मरकुस 13:8 - जीवन को च्यानणो (सेकावाटी नया नियम की पोथ्या)

⁸ अर जात्या-जात्या प अर देस-देस प चढाई करसी। अर कठै-कठै तो भूचाळ आसी अर काळ पड़सी अर अ सगळी बाता हाल तो जच्चा क सरूका उठबाळा दरद जंय्यां की ह।

मरकुस 13:8 Referans Kwoze

मत्ती 24:8

पण अ सगळी बाता तो पिड़ा की सरूआतई ह।

दरसाव 6:4

जणा एक ओर घोड़ो आयो जखो लाल सूरख हो। अर बिका सुवारनै धरती का मिनखानै आपसर्या म एक दुसराऊँ मरवाबा अर बाकी सुक-स्यांती खोसबा की ताकत दि गई ही। बिनै एक बडी तलवार बी दि गई ही।

1 थिसलूनिकी 5:3

जद मिनख खेसी, “सक्यु चोखो ह, अर क्युंई डर कोनी,” जणा बापै चाणचुक परकोप आ पड़सी जंय्यां चाणचुकै पेटहाळी क दरद चालू होवीं हीं। अर बे कंय्यांई कोनी बचसी।

भेजेड़ा चेला का काम 11:28

बामैऊँ एक जिको नाम अगबुस हो बो पबितर आत्मा क कह्या गेल बतायो की सगळा जगत म काळ पड़सी अर ओ काळ राजा कलोदियुस क टेम म पड़्यो।

मरकुस 13:7

अर जद थे राड़ अर लड़ायां की खबरा सुणो जणा मना डरज्यो, क्युं क आ बाता को होबो ते ह पण बा घड़ी नास की कोनी होसी।

मरकुस 13:9

पण थे समळर रेहज्यो, थानै पकड़र कचेरी म सूप्यो ज्यासी अर थानै अरदास करबाळी झघा म पिट्यो जासी अर थानै मेरा नाम अर चोखा समचार की बजेऊँ पंचा, राजा अर हाकीमा क सामै खड़्यो कर दिओ जासी जिऊँ थे बानै चोखो समचार बता सको।