मरकुस 13:10 - जीवन को च्यानणो (सेकावाटी नया नियम की पोथ्या)

¹⁰ पण आ पक्की ह क आऊँ पेल्या धरती का सगळा कूणबानै चोखो समचार सुणायो जासी।

मरकुस 13:10 Referans Kwoze

मत्ती 24:14

परमेसर का राज का चोखा समचार को हेलो पूरा जगत म पाड़्यो ज्यासी। जिऊँ जगत का सगळा मिनख परमेसर को बचन सुणै। जणा पाछै जार इ धरती को अंत होसी।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

दरसाव 14:6

इकै पाछै म एक ओर ईस्बर नगरी दुतनै आसमान क बिचमै उडता देख्यो। बिकन धरती प रेह्बाळा सगळा कूणबा का मिनखा, सगळा देसा, सगळी बोली बोलबाळा अर सगळा कुल का मिनखानै सुणाबा ताँई जुग-जुग ताँई को चोखो समचार हो।

कलुसीयो 1:6

चोखो समचार सगळा जगत म फळर्यो-फुलर्यो अर फेलर्यो बी ह। बंय्यांई जद थे परमेसर की दया क बारां म सुण्या अर सचमई बिनै समज्या हा जदऊँ लेर थारै म बी चोखो समचार फळर्यो-फुलर्यो अर फेलर्यो बी ह।

रोमीयो 10:18

पण म बुजूँ हूँ, के बे हेलो कोनी सुण्या? हाँ, पक्काई सुण्या। सास्तर बोलै ह: “बाकी उवाज सगळी धरती प फेलगी, अर बाका बचन धरती का इ कूणाऊँ बि कूणा ताँई पुग्या।”

मरकुस 16:15

जणा पाछै ईसु बानै ओडायो, “थे सगळा जगत म जार चोखा समचार को हेलो द्‍यो।

रोमीयो 15:19

अचरज, सक्‍तिसाली सेलाणी अर परमेसर की पबितर आत्मा की सक्‍तिऊँ मेरै जरिए पूरी कर्यो। जिऊँ म यरूसलेमऊँ लेर इलेरीकुम क च्यारूमेर मसी का चोखा समचार को हेलो पाड़बा को काम पूरो कर्यो।

रोमीयो 1:8

सऊँ पेली म थारै सगळा ताँई ईसु मसी म परमेसर को धनेवाद देऊँ हूँ, क्युं क सगळी दुनिया म थारा बिस्वास क बारां म बतायो जार्यो ह।

मत्ती 12:41

जद न्याय होसी बि दिन निनवे नगरी का मिनख इ जुग का मिनखा क सागै खड़्या होसी अर आपै दोस लगासी क्युं क निनवे का मिनख योना को परचार सुणर पापऊँ तौबा कर लिआ हा। पण अठै जखो ह बो योनाऊँ बी बडो ह।