मरकुस 12:7 - जीवन को च्यानणो (सेकावाटी नया नियम की पोथ्या)

⁷ बे किसान मालिक का बेटानै आतो देख आपसरी म बतळाबा लाग्या, ‘ओ अठै को वारिस ह। आओ आपा मिलर इनै मार देवां। अंय्यां करबाऊँ अँगूरा को बाग आपणो होज्यासी।’

मरकुस 12:7 Referans Kwoze

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

भेजेड़ा चेला का काम 5:28

“म्हें थानै ठोक बजार आदेस दिन्यो हो क, बि मिनख का नाम की सीख मना दिज्यो, पण थारै काना प तो जुंई कोनी रिंगी। अर थे सगळा यरूसलेमनै बिकी सीखऊँ भर दिओ, थे काँई चाओ हो? बिको लोय म्हारै माथा मंढबो चाओ हो के?”

भेजेड़ा चेला का काम 2:23

परमेसर आपका मकसद अर आबाळी बातानै जाणबाळा ज्ञानऊँ पेल्याई ते कर्यो, क ईसु थारा हाता म सूप्यो ज्यासी अर थे पापी मिनखा क हाता बिनै पकड़र बिका हाता म किलां ठोकर बिनै सुळी प चढार मार गेरस्यो।

मरकुस 12:12

बठै खड़्या सास्तरी समजगा क ओ आ मिसाल बापैई बोली ह। इ बजेऊँ बे ईसुनै केद करबा ताँई कोई गेलो ढुंढबा लाग्या। पण बे मिनखाऊँ डरता हा जिऊँ बे बिनै बठैई छोडर चलेग्या।

मत्ती 2:16

जद राजा हेरोद आ देख्यो क ज्योतसी मनै बावळो बणाग्या हीं जणा बो लाल-तातो होगो अर लोगानै भेजर ज्योतस्याँ क बताएड़ा टेम म बेतलम अर बिका आस-पास का सगळा टाबरानै जखा दो बरस अर बिऊँ छोटा हा बानै मरवा गेर्या।

मत्ती 21:34

अर जद अँगूर लागबा की रुत आई जणा बो मालिक ठेकेदारा कनै आपका दासानै अधिकार क सागै भेज्यो क बे अँगूरा को हिस्सो लेर आवै।

मरकुस 12:6

इकै पाछै बि बाग का मालिक क कनै भेजबा ताँई बिको लाडलो बेटोई बच्यो। अर बो आ सोचर क बे इको तो आदर करसी। इ बजेऊँ बो आपका बेटानै बठै भेज्यो।

मरकुस 12:8

अर बे सगळा किसान मिलर बिनै मार दिओ अर अँगूरा का बाग क बारनै बगा दिओ।

इबरानीआ 1:2

पण आ आखरी दिना म परमेसर आपका बेटा क जरिए आपणाऊँ बातचित करी। बिनै बो सगळी चिजा को वारिस बणायो अर बिकै जरिए बो सगळी सरस्टिनै रच्यो।