मरकुस 10:43 - जीवन को च्यानणो (सेकावाटी नया नियम की पोथ्या)

⁴³ पण थारै म अंय्यां कोनी थारै म जखो बी बडो बणबो चावै बो सगळा को दास बणै।

मरकुस 10:43 Referans Kwoze

लूका 14:11

क्युं क जखो खुदनै उचो दिखासी बिको सीर सकै सामै निचो कर्यो ज्यासी अर जखो खुदनै निचो दिखासी बिको सीर उचो कर्यो ज्यासी।”

मरकुस 9:35

ईसु बेठ्यो होर बा बारानै आपकै कनै बुलायो अर बाऊँ बोल्यो, “थारै मऊँ ज कोई बडो बणबो चावै ह जणा बिनै सगळाऊँ छोटो अर सगळा को दास बणबो चाए।”

लूका 9:48

अर बाऊँ बोल्यो, “जखो कोई मेरै ताँई इ टाबरिया को मान करै बो मेरो बी मान करै। अर जखा मेरो मान करीं बे मनै भेजबाळा परमेसर को बी मान करीं हीं। इ बजेऊँ जखो थार मऊँ सऊँ छोटो ह बोई सऊँ बडो ह।”

रोमीयो 12:2

दुनिया की बाता प मना चालो। पण लगातार परमेसरनै थारा मनानै पूरीतर्या बदलबा द्‍यो। क्युं क अंय्यां होबाऊँ थे परख'र जाणस्यो क परमेसर की काँई इंछ्या ह, काँई चोखो ह, काँई बिनै राजी करै अर काँई सिद ह।

गलातियो 5:13

ओ मेरा लाडला बिस्वास्यो, थे अजाद रेह्बा ताँई बुलाया गया हो, पण अंय्यां नइ हो क आ अजादि काया का कामानै पूरो करबा को सादन बणै। पण परेमऊँ एक दुसरा का दास बणो।

यहून्ना 18:36

ईसु बोल्यो, “मेरो राज इ दुनिया को कोनी। ज मरो राज अठै को होतो जणा मेरै गेल चालबाळा मनै यहूदि मिनखा क हाता म पड़बाऊँ बचाबा ताँई लोय भवाता। पण मेरो राज अठै को कोनी।”

लूका 18:14

म थानै सची-सची बोलुँ हूँ परमेसर की नजर्या म फरिसी नइ, पण ओ चुंगी लेबाळोई धरमी होर आपकै घरा गयो। क्युं क जखो खुदनै बडो मानसी बिनै छोटो अर जखो खुदनै छोटो मानसी बिनै बडो कर्यो ज्यासी।”

मरकुस 10:42

ईसु बानै आपकै कनै बुलायो अर बाऊँ बोलबा लाग्यो, “थे जाणो हो क परमेसरनै नइ ध्यारबाळा मिनखा का राजा मिनखा प हुकम चलावीं हीं अर बाका सरदार जोर जमावीं हीं।

मरकुस 10:44

अर थारै म जखो बी सऊँ पेलो होबो चावै बो सगळा को दास बणै।

लूका 22:26

पण थे अंय्यां का कोनी, इकै बदलै थारै मऊँ जखो बडो ह बो छोटा की जंय्यां अर परधान ह बो दास की जंय्यां बणज्यो।