मरकुस 10:23 - जीवन को च्यानणो (सेकावाटी नया नियम की पोथ्या)

²³ ईसु च्यारूमेर देखर आपका चेलानै बोल्यो, “जखा मिनखा को मो धन म ह बा मिनखा को ईस्बर नगरी म जाणो बोळो ओखो ह।”

मरकुस 10:23 Referans Kwoze

1 कुरन्थीयो 1:26

मेरा लाडला बिस्वास्यो, याद करो जद परमेसर थानै बुलायो जणा थे के हा। इ दुनिया की नजर्या म थारै मऊँ घणकराक नइ तो ज्ञानवान हा अर नइ ताकतबर हा अर नइ समाज म चोखी पेठहाळा।

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

लूका 18:24

ईसु बिनै देखर बोल्यो, “परमेसर का राज म पिसाळा को बड़बो बोळो ओखो ह,

मरकुस 3:5

ईसु झाळ्या म भर'र च्यारूमेर देख्यो अर बाका हियानै काठो देखर बो बोळो दुखी होयो। अर ईसु टुंडा मिनखनै बोल्यो, “तेरा हातनै सिदो करले।” अर बो आपका हातनै सिदो कर लिओ। अर बिको हात ओज्यु ठिक होगो।

2 पतरस 1:11

अर ज थे इ रीत गेल चालस्यो जणा एक दिन पक्काई आपणा परबु अर छुटकारो देबाळा ईसु मसी का अजर-अमर राज म जास्यो।

याकूब 4:4

ओ कुकरमी मिनखो, के थे ओ कोनी जाणो क, इ दुनियादारीऊँ भाईलाचारी करबो परमेसरऊँ बेर राखबो ह ? इ ताँई जखो बी दुनियादारीऊँ भाईलाचारी करै ह बो खुदनै परमेसर को बेरी बणावै ह।

यहून्ना 3:5

ईसु बोल्यो, “म थारूँ सची-सची बोलुँ हूँ, पबितर आत्मा अर पाणीऊँ जलम्या बिना कोईबी मिनख परमेसर का राज म कोनी बड़ सकै।

मरकुस 10:15

ईसु बाऊँ बोल्यो, “म थानै सची-सची खेऊँ हूँ क जखो मिनख परमेसर का राजनै टाबरा की जंय्यां कोनी अपणावै बो परमेसर का राज म कोनी बड़ सकै।”

मरकुस 5:32

पण ईसु च्यारूमेर देख्तो रिह्यो क अंय्यां को काम कूण कर्यो ह।

मत्ती 18:3

अर बोल्यो, “म थारूँ सची खेऊँ हूँ ज थे थारी सोचनै बदलर इ नान्या की जंय्यां कोनी बणो जणा ताँई थे परमेसर का राज म कोनी बड़ सकोगा।

मरकुस 10:22

इ बातनै सुणर बिको मुंडो लटकग्यो अर बो दुखी होर बठैऊँ चलेगो, बो पिसाळो मिनख हो।