मरकुस 1:14 - जीवन को च्यानणो (सेकावाटी नया नियम की पोथ्या)

¹⁴ ईसु क गलिल जाबाऊँ पेली यहून्नानै कोठड़ी क मांयनै बंद कर दिओ गयो हो। ईसु गलिल म जार बठै परमेसर को चोखो समचार लोगानै सुणाबा लाग्यो।

मरकुस 1:14 Referans Kwoze

मत्ती 4:23

ईसु गलिल नगरी की सगळी झघा म घूमतो होयो अर अरदास करबाळी झघा म परमेसर का राज का चोखा समचार क बारां म बतातो अर लोगा का रोग अर कमजोरीनै दूर करतो रिह्यो।

मत्ती 4:12

जद ईसु अंय्यां सुण्यो क यहून्नानै केद कर लिओ गयो ह जणा बो गलिल म चलेगो।

इफिसुस 2:17

मसी आर थानै जखा परमेसरऊँ दूर हा अर बानै जखा बिकन हा दोन्यानै स्यांती को चोखो समचार सुणायो।

लूका 8:1

इकै पाछै ईसु परमेसर का राज का चोखा समचार को हेलो पाड़ता गाँव-गाँव अर नगर-नगर मऊँ गया। अर बिका बारा चेला बी बिकै सागै-सागै रेह्ता।

भेजेड़ा चेला का काम 28:23

जणा बे पोलुस की सुणबा ताँई एक दिन राख्यो। अर बि दिन जठै बो रेहर्यो हो बठै बोळासारा मिनख आर भेळा होया। जणा बो मूसा का नेम-कायदा अर परमेसर की खेबाळा की पोथ्याऊँ ईसु क बारां म समजाबा की कोसिस करतो बानै परमेसर का राज क बारां म समजायो। बो दिनग्याऊँ लेर दिन ढळबा ताँई इमई लाग्यो रिह्यो।

मत्ती 9:35

ईसु नगरी-नगरी गाँव-गाँव जार अरदास करबाळी झघा म सीखातो हो अर परमेसर क राज क बारां म चोखा समचार को हेलो पाड़तो, लोगा का रोगनै दूर करतो होयो फिर्या करतो हो।

भेजेड़ा चेला का काम 20:25

अर इब म थानै बताबो चाऊँ हूँ क थे सगळा जणा जाकै मांयनै म परमेसर का राज क बारां म सुणायो हूँ मेरो मुंडो ओज्यु कोनी देखस्यो।

मत्ती 14:2

अर बो आपका दासाऊँ बोल्यो, “के ओ बो बतिस्मो देबाळो यहून्ना ह? ओ मरेड़ाऊँ ओज्यु जिंदो होगो दिखै। इ बजेऊँ बिकै मांयनै चमत्कारी सक्‍ति काम करै ह।”

लूका 3:20

जणा हेरोद सऊँ बुरो काम ओ कर्यो की यहून्नानै काळ-कोठड़ी म गिरवा दिओ।

मत्ती 11:2

जद यहून्ना काळ-कोठड़ी म मसी का कामा की चरचा सुणी जणा बो आपका चेलानै ईसु कनै आ बुजबा ताँई भेज्यो,

मत्ती 4:17

जद ईसु कफरनूम म हा बि टेमई परचार करबो चालू कर्यो, “थे पापऊँ तौबा करो! क्युं क ईस्बर नगरी को राज सांकड़ै ह।”

रोमीयो 1:1

म ईसु मसी को दास, भेजेड़ो चेलो पोलुस, जिनै परमेसर बुलायो अर चोखो समचार परचार करबा ताँई टाळ्यो, आ चिठी रोम की बिस्वासी मंडळीनै मांडूँ हूँ। रोम म रेह्बाळा थारै सगळा प जखा परमेसर का लाडला अर पबितर होबा ताँई बुलाया गया हीं। आपणा परम-पिता परमेसर अर परबु ईसु मसी की दया अर स्यांती बणी रेह्‍वै। चोखा समचार को बादो परमेसर की खेबाळा क जरिए पेलीऊँई कर्यो गयो, जंय्यां क पबितर सास्तर म मंडर्यो ह, ओ चोखो समचार परमेसर का बेटा क बारां म ह अर ओ काया रूप म दाऊद क कूणबा म जलम्यो। अर बिनै पबितर आत्माऊँ मरेड़ा मऊँ जीवार सक्‍ति क सागै ओ साबित कर्यो गयो क ओ परमेसर को बेटो ह जखो आपणो परबु ईसु मसी ह। मसी क जरिए परमेसर म्हानै ओ सोभाग अर भेजेड़ा चेला को ओदो दिओ, जिऊँ जगत का सगळा मिनख बिस्वास करीं अर बिकी मानी जिऊँ बिका नाम की मेमा होवै। थारी बी गिणती आमई आवै ह, थानै ईसु मसी का होबा ताँई बुलायो गयो ह।