मत्ती 5:3 - जीवन को च्यानणो (सेकावाटी नया नियम की पोथ्या)

³ “भागहाळा ह बे मिनख जखा आत्मा का भूखा हीं; क्युं क ईस्बर नगरी को राजपाट बाकोई ह!

मत्ती 5:3 Referans Kwoze

लूका 18:14

म थानै सची-सची बोलुँ हूँ परमेसर की नजर्या म फरिसी नइ, पण ओ चुंगी लेबाळोई धरमी होर आपकै घरा गयो। क्युं क जखो खुदनै बडो मानसी बिनै छोटो अर जखो खुदनै छोटो मानसी बिनै बडो कर्यो ज्यासी।”

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

लूका 11:28

पण ईसु बोल्यो, “इऊँ बी बडा भागहाळा तो बे हीं जखा परमेसर का बचनानै सुणी अर बिपै चालीं हीं।”

मत्ती 11:25

बठैई ईसु बोल्यो “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञान्याऊँ अर स्याणाऊँ लखोर राखी अर गुठा छाप प आका भेदानै खोल्या।

लूका 4:18

“परबु की पबितर आत्मा मेर प ह, क्युं क बे मेरो अभिसेक करर भेज्यो ह, क म बोदानै चोखो समचार सुणाऊँ, केद्‍या की अजादि को हेलो पाड़ूँ, आँदानै आँख्या द्‍युँ, दब्या-चिथ्यानै उठाऊँ,

मरकुस 10:14

ईसु झाळ्या म भर'र चेलानै ओडायो, “थे टाबरानै मेरै कनै आबा द्‍यो। अर आ टाबरानै मना नटो, क्युं क परमेसर को राज आ जंय्यां कोई ह।”

मत्ती 13:16

“पण थे भागहाळा हो, क्युं क थे देखो अर समजो हो।

याकूब 1:12

बो मिनख भागहाळो ह जखो बिचास्या जाबा की घड़ी म डट्यो रेह्‍वै ह, क्युं क बिनै बिचास्या जाबा क पाछैई खरो मिनख बणार जीवन को मुकट मिलसी, जिनै परबु आपका परेम करबाळानै देबा को बादो कर राख्यो ह।

यहून्ना 20:29

ईसु बिऊँ बोल्या, “तू मनै देखर मेर प बिस्वास कर्यो ह। पण भागहाळा हीं बे मिनख जखा मनै बिना देख्या बिस्वास करीं हीं।”

मत्ती 24:46

भागहाळो ह बो दास जखो आपका मालिक क पाछो आबा प बिनै बिका कह्या गेल करतो लाधै।

याकूब 1:10

अर अमीर बिस्वासी गुमान करै क्युं क थानै निचो कर्यो गयो ह। अमीर मिनखानै तो घास की जंय्यां एक दिन बळर नास होणो ह।

दरसाव 22:14

“भागहाळा हीं बे जखा हुकमानै मानी हीं जिऊँ बानै जीवन का दरखत का फळ खाबा की छुट होसी। बानै दरवाजा होर नगरी म बड़बा की छुट होसी।

दरसाव 19:9

जणा बो ईस्बर नगरी दुत मेरूँ बोल्यो, “अंय्यां मांड: बे मिनख भागहाळा हीं जखा उन्या का ब्या की मेळ म नूत्या गया हीं।” बो ओज्यु बोल्यो, “अ बचन परमेसर का सचा बचन हीं।”

मत्ती 25:34

जणा बो राजा आपकै दाया कानि खड़्या मिनखाऊँ बोलसी, ‘मेरा परम-पिताऊँ आसिरबाद लियड़ा मिनखो थे आओ अर बा आसिरबादानै लेल्यो जखा इ सरस्टि की सरूआतऊँ थारै ताँई ह।

मत्ती 11:6

भागहाळा ह बे जखा मेरै प बिस्वास करै ह।”

मत्ती 8:11

म थानै बताऊँ हूँ क, बोळा मिनख अगुणी अर पाछुणी दिसाऊँ आसी अर बे ईस्बर नगरी राज म अब्राहम, इसाक अर याकूब क सागै जिमबा बेठसी।

मत्ती 3:2

अर आ खेर परचार कर्यो क, “थे थारा पापऊँ तौबा करो! क्युं क ईस्बर नगरी को राज सांकड़ै ह।”

मत्ती 19:14

पण ईसु ओडायो, “टाबरानै आबा द्‍यो आनै मना मत करो क्युं क ईस्बर नगरी को राज अंय्यां का कोई ह।”

लूका 22:29

राज करबा ताँई म थानै बो हक देर्यो हूँ जखो मेरा परम-पिताऊँ मनै मिलेड़ो ह।

लूका 22:30

क्युं क मेरा राज म थे मेरी चोकी प खाई-पी करस्यो अर राजगद्‍या प बेठर इजरायल का बारा गोता को न्याय करस्यो।”

दरसाव 3:17

तू बोलै ह, ‘म पिसाळो हूँ, म धन जोड़ लिओ हूँ मनै ख्याकीई कमी कोनी।’ पण तनै कोनी बेरो क तू नीच, बिचारो, कंगलो, आँदो अर नंगो ह।