मत्ती 10:3 - जीवन को च्यानणो (सेकावाटी नया नियम की पोथ्या)

³ फलिपूस, बरतुल्मै, थोमा, चुंगी लेबाळो मत्ती, हलफई को बेटो याकूब अर तद्दे,

मत्ती 10:3 Referans Kwoze

भेजेड़ा चेला का काम 1:13

अर बठै पुगताई बे उपला चोबारा म चलेगा, जठै पतरस, यहून्ना, याकूब, अंदरिआस, फलिपूस, थोमा, बरतुल्मै, मत्ती, हलफई को छोरो याकूब, देस भगत समोन अर याकूब को छोरो यहूदा रेह्ता हा।

मरकुस 3:18

अंदरिआस, फलिपूस, बरतुल्मै, मत्ती, थोमा, हलफई, हलफई को बेटो याकूब, तद्दे अर देस भगत समोन

मरकुस 2:14

अर चालता-चालता ईसु हलफई का बेटा लेवीनै चुंगी चोकी प बेठ्यो देखर, बिनै बोल्यो, “मेरै गेल आ।” अर बो खड़्यो होर बिकै गेल होगो।

मत्ती 9:9

जद ईसु बठैऊँ जार्यो हो जणा बे चुंगी चोकी प एक मिनखनै बेठ्या देख्या। बिको नाम मत्ती हो। ईसु बिऊँ बोल्यो, “मेरै गेल होले।” जणा बो खड़्यो होर बाकै गेल होलिओ।

यहून्ना 21:2

समोन पतरस, थोमा जखो जोड़लो खुवातो हो, गलिल का काना को नतनएल, जब्दि को बेटो अर ईसु का दो ओर चेला बठै भेळा हा।

यहून्ना 11:16

थोमा जिनै जोड़लो खेता हा। बो आपकै सागैहाळा चेलाऊँ बोल्यो, “ल्यो आपा बी गरूजी क सागै मरबा चालां।”

यहूदा 1:1

म, यहूदा जखो ईसु मसी को दास अर याकूब को भाई हूँ। आ चिठी थानै मांडूँ हूँ, जानै परम-पिता परमेसर बुलायो ह अर जिऊँ बो लाड करै ह, अर थानै जखानै ईसु मसी बचा राख्यो ह।

याकूब 1:1

म परमेसर अर परबु ईसु मसी को दास याकूब, इजरायल का बारा कूणबा का बिस्वास्यानै नमस्कार मांडूँ हूँ, जखा तीनतेरा होगा।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।

गलातियो 1:19

पण म परबु का भाई याकूबनै छोडर बठै कोईसा बी भेजेड़ा चेलाऊँ कोनी मिल्यो।

भेजेड़ा चेला का काम 21:18

अर दुसरा दिन पोलुस अर म्हें याकूब क कनै गया जठै सगळा बिस्वासी मंडळी का मुखिया बी हा।

भेजेड़ा चेला का काम 12:17

जणा बो मुंडा प आँगळी धर बानै इसारो कर्यो क चुप रेह्‍वै अर बो बानै बे सगळी बाता बताई क परबु कंय्यां बिनै जेळऊँ अजाद कर्यो। अर ओ ओडार क, “याकूब अर दुसरा भाई-भाणानै बी आ बात बता दिज्यो,” बो बठैऊँ दुसरी झघा चलेगो।

लूका 5:27

इकै पाछै ईसु बठैऊँ बारनै गयो अर चुंगी चोकी प लेवी नाम का चुंगी लेबाळानै बेठ्यो देखर बिनै खयो, “मेरै गेल होले।”

भेजेड़ा चेला का काम 15:13

अर जद बोलर बे चुप होया जणा याकूब खड़्यो होर बोल्यो, “मेरा लाडला बिस्वास्यो, मेरी सुणो।

यहून्ना 14:22

दुसरो यहूदा, जखो यहूदा इस्करोती कोनी हो बो बोल्यो, “परबु ओ कंय्यां हो सकै ह क, थे म्हानै दिखस्यो पण इ दुनिया का मिनखानै कोनी दिखो?”

यहून्ना 14:9

ईसु बोल्यो, “मनै कितना दिन तो होगा थारै सागै रेह्ता पाछै बी फलिपूस तू हाल ताँई कोनी जाण सक्यो क, म कूण हूँ? जखो बी मनै देख्यो ह बो बापनै बी देख्यो ह अर तू बोलै ह क, म्हानै बाप का दरसण करा दे।

मत्ती 27:56

बा लूगाया म मरीयम मगदलिनी, याकूब अर युसूफ की माँ मरीयम अर याकूब अर यहून्ना की माँ ही।

मत्ती 18:17

अर ज बो बाकी बात बी कोनी मानै जणा बिस्वासी मंडळी का मिनखानै बिकै बारां म बता। अर बो ज बिस्वासी मंडळी का मिनखा की बात बी कोनी मानै तो थे बिकै सागै बंय्यां को बरताव करो जंय्यां की चुंगी लेबाळा अर परमेसरनै नइ ध्यारबाळा क सागै कर्यो जावै ह।

मरकुस 15:40

बठै लूगाया बी ही बे ईसुनै दूरऊँ खड़ी-खड़ी देखै ही बा लूगाया म मरीयम मगदलिनी, छोटक्यो याकूब अर युसूफ की माँ मरीयम अर सलोमी ही।

लूका 18:10

“एक बर मनदर म दो जणा अरदास करबा गया। बामैऊँ एक फरिसी अर दुसरो चुंगी लेबाळो हो।

लूका 18:11

बो फरिसी नाकैई खड़्यो होर अंय्यां खेर अरदास करबा लाग्यो, ‘परमेसर थारी जे हो, क म दुसरा की जंय्यां लोभी, दुसरा को बुरो करबाळो, कुकरमी कोनी अर नइ म इ चुंगी लेबाळा की जंय्यां हूँ।

लूका 18:13

पण बो दुसरो जखो चुंगी लेबाळो हो बो दूर खड़्यो होर आपकी छाती कुट-कुटर खेबा लाग्यो, ‘परमेसर मेर प दया करो म पापी हूँ।’ बो खुदनै ईस्बर नगरी कानि मुंडो उठार देखबा जोगोई कोनी जाण्यो।

लूका 19:2

जणा बठै जक्कई नाम को एक मिनख हो जखो चुंगी लेबाळा को सरदार हो अर बो पिसाळो हो।

यहून्ना 1:48

नतनएल ईसुऊँ बुज्यो, “थे मनै कंय्यां जाणो हो?” ईसु बिऊँ बोल्यो, “फलिपूसनै बुलाबाऊँ पेली, म तनै अंजीर का दरखत क तळै देख्यो हो।”

यहून्ना 14:5

थोमा बाऊँ बोल्यो, “परबु, थे कठै जार्या हो म्हें कोनी जाणा। जणा बठै जाबाळा गेलानै म्हें कंय्यां जाण सकां हां?”