लूका 9:51 - जीवन को च्यानणो (सेकावाटी नया नियम की पोथ्या)

⁵¹ जद ईसु का ईस्बर नगरी म उठाया जाबा का दिन सांकड़ै हा जणा बो यरूसलेम जाबा ताँई आपका हियानै पक्को कर लिओ।

लूका 9:51 Referans Kwoze

मरकुस 16:19

अ सारी बाता बोलबा क पाछै ईसु ईस्बर नगरी म उठा लिओ गयो अर परमेसर क दाया नाकै जार बेठगो।

लूका 18:31

ईसु आपका बारा चेलानै एक नाकै लेज्यार बोल्यो, “सुणो! आपा यरूसलेम जार्या हां जठै जोक्यु मिनख का बेटा क बारां म परमेसर की खेबाळा मांडी ह बे बाता पूरी होसी।

लूका 13:22

ईसु जद नगर्या-नगर्या अर गाँव-गाँव का मिनखानै परमेसर की सीख देतो यरूसलेम जार्यो हो।

लूका 17:11

ईसु सामरीया अर गलिल नगर्या का काकड़ होर यरूसलेम जार्यो हो।

1 पतरस 3:22

बो ईस्बर नगरी जार परमेसर क दायणै हात बेठगो, अर ईस्बर नगरी दुत, उपरी सक्‍तिया का अधिकारी, सगळी सक्‍तिया बिकै बस म कर दिनी गई।

इबरानीआ 12:2

आओ ल्यो आपा आपणी आँख्या ईसु प लगावां। जखो बिस्वास को मालिक अर बिनै निधान करबाळो ह। बो आगला सुक क बारां म सोचतो होयो बेजती होबा की चिंत्या कर्या बिना सुळी प दुख भोग्यो अर परमेसर क सिंघासन क दायणै जार बिराजगो।

इबरानीआ 6:20

जठै आपणा कानिऊँ ईसु मसी आपणाऊँ पेली गयो। अर बो मिलिकीसिदक की रीत गेल सदा-सदाई को म्हायाजक बणगो।

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

इफिसुस 1:20

जंय्यां बो इ सक्‍तिनै मसीनै मोतऊँ ओज्यु जीवार बिनै ईस्बर नगरी म आपकै दाणै नाकै बिठाबा ताँई काम म लिनी ही।

भेजेड़ा चेला का काम 1:9

आ खेर बो बाकै देखता-देखताई ईस्बर नगरी म उठा लिओ गयो अर एक बादळी बिनै ढक लिनी।

भेजेड़ा चेला का काम 1:2

ईस्बर नगरी म उठाया जाबाऊँ पेली बो पबितर आत्मा की सक्‍तिऊँ खुदका ग्यारा भेजेड़ा चेलानै जानै बो टाळ्या बानै काँई-काँई करबो ह , बा कामा को हुकम दिओ।

यहून्ना 17:11

इब म इ जगतनै छोडर थारै कनै आर्यो हूँ पण बे इ जगत म हीं। पबितर परम-पिता थारा बि नाम की सक्‍तिऊँ जखो थे मनै दिआ हो, बानै बचार राखो जिऊँ बे थारी-म्हारी जंय्यां एक हो सकै।

यहून्ना 16:28

म परम-पिता कानिऊँई इ जगत म आयो। इब म इ जगतनै छोडर परम-पिता कनै जार्यो हूँ।”

यहून्ना 16:5

“इब बा घड़ी आगी ह, जद म मेरा भेजबाळा क कनै जार्यो हूँ, अर थे कोईबी मना बुजो क म कठै जार्यो हूँ।

यहून्ना 13:1

फसै का त्युंहार क पेलीई ईसु आ जा'णर क, “मेर ताँई बा घड़ी आगी जद म इ दुनियानै तजर मेरा परम-पिता कनै जाऊँ।” बो धरती प जत्ता बी बिका हा बाऊँ आखरी ताँई एकसोई परेम करतो रिह्यो।

यहून्ना 6:62

जणा थे काँई करस्यो जद थे मिनख का बेटानै आसमान म उपर जाता देखस्यो, जठै बो पेली हो?

लूका 24:51

अर बानै आसिरबाद देतानैई नाकै कर ईस्बर नगरी म उठा लिओ गयो।

लूका 19:28

अ सगळी बाता खे-खार ईसु यरूसलेम कानि बाऊँ पेली आपका पाऊंडा बढाया।

लूका 19:11

जद बे बिकी बाता सुणर्या हा जणाई बो बानै एक मिसाल ओर दिनी क्युं क ईसु यरूसलेम क सांकड़ैई हो अर मिनख आ मन म कर राखी ही क परमेसर को राज बस परगट होबाळोई ह।

लूका 12:50

पण मनै तो एक दुखा को बतिस्मो लेणो ह अर जद ताँई म बिनै नइ लेल्युँ मनै चेन कठै?

फलिपी 3:14

जिऊँ म निसाना कानि सिदो-सिदो भागर बो इनाम जीतल्युँ जिताँई परमेसर मसी ईसु की बजेऊँ मनै ईस्बर नगरी जीवन ताँई बुलायो ह।

लूका 9:57

जद बे गेला म जार्या हा, जणा एक मिनख ईसुऊँ बोल्यो, “थे जठै बी जास्यो म बी थारै गेल जास्युं।”