लूका 9:41 - जीवन को च्यानणो (सेकावाटी नया नियम की पोथ्या)

⁴¹ जणा ईसु बोल्यो, “अरै भेम करबाळो अर कुटिचर मिनखो, म कद ताँई थारै सागै रेहस्युं अर थानै भोगस्युं? जा अर तेरा छोरानै अठै ल्या।”

लूका 9:41 Referans Kwoze

यहून्ना 20:27

जणा बो थोमाऊँ बोल्यो, “आ, अर तेरी आँगळ्या घालर मेरा हात देख अर तेरा हातनै मेरी कोल म घाल। भेम करबो छोड अर बिस्वास राख।”

यहून्ना 14:9

ईसु बोल्यो, “मनै कितना दिन तो होगा थारै सागै रेह्ता पाछै बी फलिपूस तू हाल ताँई कोनी जाण सक्यो क, म कूण हूँ? जखो बी मनै देख्यो ह बो बापनै बी देख्यो ह अर तू बोलै ह क, म्हानै बाप का दरसण करा दे।

मरकुस 9:19

ईसु बिकी बात सुणर बोल्यो, “अरै भेम करबाळो मिनखो, म कद ताँई थारै सागै रेहस्युं? अर थानै भोगस्युं? बि छोरानै मेरै कनै ल्याओ।”

मत्ती 17:17

ईसु बिकी बात सुणर बोल्यो, “अरै भेम करबाळो अर कुटिचर मिनखो, म कद ताँई थारै सागै रेहस्युं? अर थानै भोगस्युं? बि छोरानै मेरै कनै ल्याओ।”

इबरानीआ 7:25

अर बिकै जरिए जखो बी परमेसर क कनै जावै ह, बाको बो पूरो-पूरो छुटकारो कर सकै ह। क्युं क बो बाकै ताँई अरदास करबा ताँई सदाई जिंदो ह।

इबरानीआ 4:11

जणा आओ आपा बि अराम हाळी झघा म बड़बा ताँई पूरी कोसिस करां, क्युं क कदै अंय्यां नइ होवै क आपणा बा बडका की जंय्यां परमेसर का हुकमानै नइ मानबा की बजेऊँ बि अराम हाळी झघा म जाबाऊँ चूक ज्यावां।

इबरानीआ 4:2

क्युं क आपानै बी आपणा बडका की जंय्यांई चोखो समचार सुणायो गयो ह पण बानै बि समचारऊँ क्युंई फाईदो कोनी होयो क्युं क बे बि समचारनै तो सुण्यो पण बिपै बिस्वास कोनी कर्यो।

इबरानीआ 3:19

अर आपा देख सकां हां क बे मिनख भेम की बजेऊँई बठै कोनी बड़ सक्या।

रोमीयो 2:4

थे बिकी दया अर बिकी सहनसिलता अर बिका थ्यावसनै ख्याई जोगो कोनी समजो के? तू सचमई जाणै ह क परमेसर की दया तनै पापऊँ मन फिराबा कानि लेज्यावै ह।

भेजेड़ा चेला का काम 13:18

अर करीब चाळिस बरसा ताँई बो बानै उजाड़ म बरदास करतो रिह्यो।

भेजेड़ा चेला का काम 2:40

पतरस ओर बी बोळी बाता बोलर बानै चेतायो। अर अरदास कर बोल्यो, “इ कुटिचर पिडी प पड़बाळा न्यायऊँ खुदनै बचाओ।”

लूका 8:25

जणा बो बाऊँ बुज्यो, “कठै गयो थारो बिस्वास?” पण बे ईसु अर बिकाळी सक्‍तिऊँ डरै हा अर जोक्यु बो कर्यो बिपै ताजूब करर्या हा। अर आपसरी म बतळार्या हा, “ओ कूण ह? जखो भाळ अर पाणी दोन्या प हुकम चलावै, अर बे इको खयो करै।”

मत्ती 16:4

इ जुग की बुरी अर कुकरमी पिडी ईस्बर नगरी की सेलाणी माँगै ह। पण योना की बातानै छोडर कोईबी सेलाणी कोनी दिखाई ज्यासी।”

मत्ती 12:39

पण ईसु बाऊँ बोल्यो, “इ जुग की बुरी अर कुकरमी पिडी ईस्बर नगरी की सेलाणी माँगै ह। पण म थानै खेऊँ हूँ योना परमेसर की खेबाळा की बातानै छोडर कोई सेलाणी आ लोगानै कोनी दिखाई ज्यासी

मत्ती 3:7

जद बो देख्यो क बोळासारा फरिसी अर सदुकी पाणी को बतिस्मो लेबा ताँई बिकन आर्या हीं, जणा बो बाऊँ बोल्यो, “अरै सपोलो, परमेसर की सजाऊँ थे बच सको हो इ बात क बारां म थानै कूण बता दिओ?

मरकुस 10:49

ईसु बिकी सुणर डटगो अर ओडायो, “बिनै मेरै कनै ल्याओ।” अर बे लोग बी आँदानै बुलाया अर बिनै बोल्या, “राजी हो अर खड़्यो हो तनै ईसु बुलावै ह।”

मरकुस 10:14

ईसु झाळ्या म भर'र चेलानै ओडायो, “थे टाबरानै मेरै कनै आबा द्‍यो। अर आ टाबरानै मना नटो, क्युं क परमेसर को राज आ जंय्यां कोई ह।”

मत्ती 23:36

म थानै सची बोलुँ हूँ अ सगळी बाता की सजा इ पिडी का मिनख भोगसी।

मत्ती 12:45

जणा बा जार खुदऊँ बी सात बुरी ओपरी बलायानै आपकै सागै कर बिकै मांयनै बड़ जावै। अर बि आदमी की दसा पेलड़ीऊँ घणी बुरी होज्यावै। इ जुग का मिनखा की दसा बी अंय्यांई होसी।”

मत्ती 11:28

ईसु बाऊँ बोल्यो, “हे आखता होयड़ो अर बोजऊँ दबेड़ा मिनखो मेरै कनै आओ म थानै अराम देस्युँ।

लूका 9:40

म थाकाळा चेलाऊँ अरदास करी क बिमैऊँ बिनै काड दे पण बाऊँ तो पार कोनी पड़ी।”

लूका 9:42

जद बो छोरो आर्यो हो जणा बिच मई बा सूगली ओपरी बलाय बिनै रोड़ली अर मरोड़ी देर जमीन प दे मारी। जणा ईसु जोरऊँ बि बलायनै दकालर बि छोरा मऊँ बिनै काड दि। अर छोरानै राजी-खुसी बिका बापनै समळा दिओ।