लूका 9:22 - जीवन को च्यानणो (सेकावाटी नया नियम की पोथ्या)

²² ईसु आपका चेलानै खियो, “आ तो होणी ह क मिनख को बेटो बोळा दुख उठासी। अर यहूदि नेता, परधान याजक अर सास्तरानै सीखाबाळा बिनै तजसी अर जिकै पाछै बो मार्यो जासी। पण बो तीसरा दिन मरेड़ा मऊँ जिज्यासी।”

लूका 9:22 Referans Kwoze

लूका 24:7

बो बोल्यो हो, ‘आ तो होणी ह क मिनख को बेटो पाप्या क हाता म पड़सी बिनै सुळी प चढायो जासी पण तीसरै दिन जी उठसी।’”

लूका 9:44

“थे इ बात प कान लगाओ क मिनख को बेटो मिनखा क हाता म सूप्यो जासी।”

1 पतरस 1:11

परमेसर की खेबाळा म बाई पबितर आत्मा ही, जखी मसी म ह। आ आत्मा बानै बताई क मसीनै दुख भोगणो पड़सी अर इकै पाछै बिकी मेमा होसी। परमेसर की खेबाळा ओबी जाणबो चाता हा क ओ कद अर कंय्यां होसी।

मरकुस 9:31

क्युं क ईसु आपका चेलानै सीखार्यो हो क, “मिनख को बेटो मिनखा क हाता धोकाऊँ पकड़ायो ज्यासी अर बे बिनै मार देसी पण बो तीन दिना क पाछै मोतऊँ जी उठ खड़्यो होसी।”

मरकुस 8:31

ईसु आपका चेलानै बताबा लाग्यो क मिनख का बेटानै दुख भोगणो ह। बो बोळो दुख भोगसी अर यहूदि नेता, परधान याजक अर सास्तरानै सीखाबाळा बिनै तजसी अर जिकै पाछै बो मार्यो जासी। पण बो तीसरा दिन मरेड़ा मऊँ जिज्यासी।

मत्ती 17:12

पण म थारूँ खेऊँ हूँ एलिआ तो आरई गयो। पण आपणा नेता बिनै देखर बी कोनी पिछाण्या अर जंय्यां बे बिकै सागै करबो चावा हा बंय्यांई बिकै सागै कर्यो। अर बे मिनख का बेटा क सागै बी बंय्यांई करसी।”

1 कुरन्थीयो 15:4

अर बिनै कबर म धर दिओ गयो पण सास्तर म मांडेड़ो ह क बो तिजै दिन जी उठ्यो।

लूका 24:26

काँई मसी ताँई ओ जरूरी कोनी हो क बो आ दुख-तकलिफानै भोगै अर आपकी मेमा धारण करै?”

मत्ती 17:22

ईसु आपका चेला क सागै गलिल म गयो अर बानै खयो, “मिनख को बेटो मिनखा क हाता म सूप्यो जाबाळो ह।

मत्ती 27:63

अर खया, “म्हराज, म्हानै याद ह जद बो धोकेबाज जीताजी हो जणा खेतो हो क मेरी मोत क पाछै म तीसरै दिन ओज्यु जिंदो होज्यास्युं।

लूका 17:25

पण पेली बो बोळो दुख देखसी अर इ जुग का मिनख बिनै तज देसी।

लूका 24:44

अर बाऊँ बोल्यो, “अ बे बाता हीं जखी म जनाड़ै बोली ही जद म थारै सागै हो। अ सगळी बात जखी मूसा का नेम-कायदा म, परमेसर की खेबाळा अर भजना की पोथी म मंडरी ह सगळी पूरी होणीई ही।”