लूका 9:10 - जीवन को च्यानणो (सेकावाटी नया नियम की पोथ्या)

¹⁰ जणा पाछै ईसु कनै आर बे भेजेड़ा चेला जोक्यु बे कर्या बिकी जाणकारी बिनै दि। जणा बो बानै आपकै सागै लिओ अर बे चुपचाला बेतसदा नाम की नगरी म गया।

लूका 9:10 Referans Kwoze

मत्ती 11:21

“खुराजीन अर बेतसदा म रेह्बाळा मिनखा प हाय ह अत्ता-अत्ता ताजूब का काम आ नगर्या म कर्या गया, ज अ काम सूर अर सैदा नगर्या म कर्या जाता जणा बठै का मिनख बोरी का गाबा पेर'र खुद प राख बुरकार, कदकाई दिखा देता क बे पापऊँ तौबा कर लिआ हीं।

इबरानीआ 13:17

थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।

लूका 10:17

बे भत्तर का भत्तर राजी होता ओटा आर ईसुऊँ बोल्या, “परबु जद थारा नामऊँ म्हें ओपरी बलायनै ओडावां हां जणा बा बी बिनै मानै ह।”

यहून्ना 1:44

फलिपूस, अंदरिआस अर पतरस की नगरी बेतसदा को रेह्बाळो हो।

मरकुस 2:7

“ओ मिनख अंय्यां की बात क्युं बोलै ह। ओ तो परमेसर की बुराई करै ह, परमेसर क अलावा किकी मजाल क बो पापनै धो सकै?”