लूका 9:1 - जीवन को च्यानणो (सेकावाटी नया नियम की पोथ्या)

¹ ईसु आपका बारा चेलानै एक सागै बुलार, बानै ओपरी बलायानै काडबा अर रोगलानै निरोगा करबा की सक्‍ति अर अधिकार दिओ।

लूका 9:1 Referans Kwoze

यहून्ना 14:12

म थारूँ सच बोलुँ हूँ, जखो बी मेर म बिस्वास करै ह, बो बे सगळा काम करसी जखा म करूं हूँ। बो आऊँ बी बडा काम करसी, क्युं क म परम-पिता कनै जाऊँ हूँ।

लूका 10:19

अर सुणो, म थानै साँप अर बिछूआनै एडी तळै मसळबा अर बेरी सेतान की सगळी सक्‍तिनै थारै बस म करूँ। थारो कोई क्युंई कोनी बिगाड़ सकै।

भेजेड़ा चेला का काम 4:30

थारा पबितर दास ईसु का नामऊँ मिनखानै निरोगा करबा ताँई, नइ होबाळा काम अर चमत्कार करबा ताँई थारा हात बढाओ।”

मत्ती 16:19

म तनै परमेसर का राज की ताळ्या दि ह, जिऊँ जोक्यु तू धरती प बंद करसी बिनै परमेसर ईस्बर नगरी म बंद कर देसी अर जोक्यु तू धरती प खोलसी बिनै परमेसर ईस्बर नगरी म बी खोल देसी।”

भेजेड़ा चेला का काम 1:8

पण जद पबितर आत्मा थानै मिलसी जणा थारै म परमेसर की सक्‍ति आज्यासी अर थे यरूसलेम, सगळा यहूदिआ, सामरीया का इलाका अर धरती का इ कूणाऊँ बि कूणा ताँई मेरा गुवा होस्यो।”

भेजेड़ा चेला का काम 9:34

बिनै पतरस बोल्यो, “एनियास खड़्यो हो अर तेरा बिछावणा समेट क्युं क परबु ईसु मसी तनै निरोगो करै ह।” अत्ती बोलताई बो खड़्यो होगो।

भेजेड़ा चेला का काम 3:16

अर ईसु हाळा नाम प बिस्वास करबाऊँई, ईसु इ मिनख म सत गेर्यो अर बो समुळो निरोगो होगो, जिनै थे सगळा जाणो अर देखो हो।

मत्ती 4:24

सगळा सिरीया देस म बिकी चरचा फेलगी अर लोग सगळा रोगलानै जखा भात-भात का रोगाऊँ रोगला हा, जखा पिड़ा म पड़्या हा, फेंट होईड़ा, जामै दोरा आता हा अर हवा भेयड़ा मिनखानै बिकन ल्याया अर बो बा सगळानै निरोगो कर दिओ।

मत्ती 8:9

क्युं क म खुद दुसरा क तळै काम करबाळो आदमी हूँ अर मेरै तळै बी सिपाईड़ा काम करीं हीं, अर जद म बामैऊँ एकनै ओडाऊँ क, ‘तू जा ’ जणा बो चल्यो जावै अर दुसरानै ओडाऊँ क, ‘आ’ जणा बो आज्यावै ह। अर जद म मेरा दासऊँ खेऊँ हूँ क, ‘अंय्यां कर’ जणा बो बंय्यांई करै ह।”

लूका 10:1

इकै पाछै परबु, जि नगरी अर झघा जाबाळो हो बठै जाबाऊँ पेली बो ओर भत्तर मिनखानै टाळर आपकै अगाऊ बानै दो-दो कर बा नगर्या अर झघा म भेज्या।