लूका 8:54 - जीवन को च्यानणो (सेकावाटी नया नियम की पोथ्या)

⁵⁴ पण ईसु मांयनै गयो अर बि छोरी को हात पकड़र जोरऊँ खयो, “बेटा खड़ी हो।”

लूका 8:54 Referans Kwoze

भेजेड़ा चेला का काम 9:40

जणा पतरस बा सगळानै कोठा क बारनै भेज्यो अर आपका गोडा टे'कर अरदास करी अर बि लास कानि देखर बोल्यो, “तबिता उठ।” जणा बा आपकी आँख खोली अर पतरसनै देखर बेठी होगी।

यहून्ना 11:43

आ बोलर बो जोरऊँ हेलो दिओ, “लाजर, बारनै आ!”

यहून्ना 5:21

जंय्यां परम-पिता मरेड़ानै जीवावै ह, बंय्यांई बेटो बी जिनै चावै बिनै जीवन देवै ह।

लूका 8:51

जद ईसु बिका घर म आयोक जणा बो मांयनै कोठा म आपकै सागै पतरस, याकूब, यहून्ना अर बि छोरी का माँ-बापा क सिवाय ओर दुसरानै आबा की इजाजत कोनी दि।

मरकुस 9:27

पण ईसु बि छोरा को बावळ्यो पकड़र बिनै खड़्यो कर्यो अर बो छोरो खड़्यो होगो।

मरकुस 8:23

ईसु बी आँदा मिनख को हात पकड़्यो अर बिनै गाँव क बारनै लेगो। अर बिकी आँख्या म थूक्यो अर आपका हात बिपै धर्यो अर इकै पाछै बिनै बुज्यो, “तनै क्युं सुजै ह के?”

मरकुस 1:31

ईसु बिकन जार बिको बावळ्यो पकड़र बिनै उठायो अर बा निरोगी होगी अर जणा बा बाकी सेवा-पाणी करबा लागी।

मत्ती 9:25

अर जद लोगानै बठैऊँ बारनै काड दिओ गयो जणा ईसु मांयनै जार बि छोरी को हात पकड़्यो जिऊँ बा छोरी जीगी।

रोमीयो 4:17

जंय्यां क पबितर सास्तर म मंडर्यो ह, “म तनै बोळा कूणबा को बाप बणायो।” बि परमेसर क सामै जिपै बो बिस्वास कर्यो जखो मरेड़ानै ओज्यु जीवावै ह अर जखी बात आथई कोनी बानै परगट करै ह बो अब्राहम आपणो बाप ह।

लूका 8:53

जणा बे बिपै हस पड़्या। क्युं क बानै बेरो हो क छोरी मरगी।

लूका 8:55

अत्तो खेताई बिमै पाछा पिराण पड़ग्या अर बि टेमई बा खड़ी होगी जणा ईसु ओडायो, “इनै क्युं खाबा ताँई देद्‍यो।”