लूका 8:47 - जीवन को च्यानणो (सेकावाटी नया नियम की पोथ्या)

⁴⁷ जद बि लूगाईनै अंय्यां लाग्यो क म कोनी लुख सकूँ जणा बा धुजती-धुजती आई अर ईसु क पगा म पड़गी। अर सगळा क सामै ईसुनै बताई क बा बिकै क्याले हात लगाई ही अर कंय्यां बा हात्युहात निरोगी होगी।

लूका 8:47 Referans Kwoze

मरकुस 5:33

बा लूगाई जाणती ही क बिकै सागै काँई होयो ह? बा डरती-डरती आई अर ईसु क पगा म पड़र सगळी बाता सची-सची बता दि।

2 कुरन्थीयो 7:15

बो जदबी आ याद करै ह क थे कंय्यां बिकी बात मान्या अर आदरमान क सागै कंय्यां बिकी मनवार करी ही जणा बिको परेम थारै बेई ओर बी बेत्ती उमड़ै ह।

इबरानीआ 12:28

इ ताँई आपानै अंय्यां को राज मिलबाळो ह जिनै हलायो कोनी जा सकै, जणा आओ आपा परमेसर को डर मानर बाको मान करता होया बिनै राजी करबाळी भगती क सागै बिको धनेवाद करां।

1 कुरन्थीयो 2:3

जणाई म थारै कनै डरपतो, धुजतो अर कमजोरी क सागै आयो,

भेजेड़ा चेला का काम 16:29

जणा बो मसाल मंगार मांयनै गयो अर धुजतो-धुजतो पोलुस अर सीलास क पगा म पड़गो।

फलिपी 2:12

मेरा लाडलो, इ ताँई जंय्यां थे सदाऊँ मेरा हुकमानै मान्या हो जद म थारै सागै हो, ओ ओर बी जरूरी ह क, इब म थारै कनै कोनी हूँ जणा बी थे मेरा हुकमानै मानो। अर परबु का डर म धुजता होया थारा छुटकारानै सूल पूरो करो;

मत्ती 28:8

बे लूगाया तावळिसी कबरऊँ निकळी बे डररी अर राजी बी होरी ही अर चेलानै ओ समचार देबा ताँई भागरी ही।

लूका 8:46

पण ईसु खया, “कोई तो मेरै पक्काई हात अड़ायो ह क्युं क मेर मऊँ सक्‍ति निकळी ह।”

लूका 8:48

ईसु बिऊँ बोल्यो, “बेटी तू तेरा बिस्वास की बजेऊँ निरोगी करी गई ह इब राजी-खुसी जा।”