लूका 8:2 - जीवन को च्यानणो (सेकावाटी नया नियम की पोथ्या)

² अर बिनै मानबाळी क्युंक लूगाया बी बिकै सागै ही, जानै बो ओपरी बलाय अर बिमारीऊँ छुटायो हो, बामैऊँ एक लूगाई ही जिको नाम मरीयम मगदलिनी हो जिमैऊँ बो सात ओपरी बलाय काडी।

लूका 8:2 Referans Kwoze

मरकुस 16:9

ईसु जिंदो होबा क पाछै सपता का पेला दिन दितबारनै, मरीयम मगदलिनी जिमैऊँ ईसु सात ओपरी बलाय काडी ही बिनै दिख्यो।

यहून्ना 19:25

ईसु की सुळी क कनै बिकी माँ, मासी, क्लोपास की घराळी मरीयम अर मरीयम मगदलिनी खड़ी ही।

भेजेड़ा चेला का काम 1:14

अर आकै सागै क्युंक लूगाया बी ही, अ सगळा एक चित होर अरदास करबा म लाग्या रेह्ता हा। बामै ईसु की माँ मरीयम अर बिको भाई बी हो।

लूका 23:55

बे लूगाया जखी गलिलऊँ चालर आई ही बे युसूफ क गेल जार बि कबरनै देखी अर आ बी देखी की बिकी लास कंय्यां धरी गई ह।

लूका 23:49

पण बिका जाण-पिछाण का मिनख अर बे लूगाया जखी गलिलऊँ बिकै सागै आई बे दूर खड़ी होर सक्यु देखरी ही।

लूका 23:27

अर मिनखा की भीड़ की भीड़ बिकै गेल-गेल होरी, जिमै बोळी लूगाया अंय्यां की ही जखी ईसु ताँई रोरी अर बिलखरी ही।

लूका 8:30

अर ईसु बिऊँ बुज्यो, “तू कूण ह?” बा खई, “सेना” क्युं क बिमै बोळीसारी ओपरी बलाया रळरी ही।

मरकुस 16:1

अरामहाळा दिन क पाछै मरीयम मगदलिनी, सलोमी अर याकूब की माँ मरीयम ईसु की लास को अभिसेक करबा ताँई सुगंद आबाळी चिज मोल ली

मत्ती 4:24

सगळा सिरीया देस म बिकी चरचा फेलगी अर लोग सगळा रोगलानै जखा भात-भात का रोगाऊँ रोगला हा, जखा पिड़ा म पड़्या हा, फेंट होईड़ा, जामै दोरा आता हा अर हवा भेयड़ा मिनखानै बिकन ल्याया अर बो बा सगळानै निरोगो कर दिओ।