लूका 8:14 - जीवन को च्यानणो (सेकावाटी नया नियम की पोथ्या)

¹⁴ अर जखा बीज झाड़्या म पड़्या बिको मतबल ओ ह की बे मिनख जखा बचननै सुणी पण जद बे बापै चाली जणा चिंत्या, धन-दोलत अर जिंदगी का मजा बानै दबा देवै ह जिऊँ बे सूल कोनी फळै।

लूका 8:14 Referans Kwoze

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

मरकुस 4:19

पण जीबा को घ्यार, मो-माया को लालच अर मन की बुरी बाता बाका हिया मई बचननै दबा देवै ह, इ ताँई बे बीज फळै कोनी।

मत्ती 13:22

अर जखा बीज झाड़्या क मांयनै पड़्या अ बा मिनखानै परगट करै जखा परमेसर का बचन सुणै तो हीं पण इ दुनियादारी की चिंत्या अर धन-दोलत को लालच परमेसर का बचनानै भूला देवै ह क परमेसर बाऊँ काँई चावै ह।

लूका 21:34

“इ ताँई चेता म रेह्‍वो, कदै अंय्यां नइ होज्या क थे तो लाग्या रेह्‍वो पीबा-खाबा अर आटा चून की चिंत्या म अर बो दिन थार प फंदा की जंय्यां आ पड़ै।

लूका 8:7

अर क्युंक झाड़्या म जार पड़्या अर झाड़ी बाकै सागै बढर बानै दाब दिनी।

2 तिमूतियूस 4:10

क्युं क देमास तो इ दुनियादारी का मो म पड़र मनै छोडर थिसलूनिकी नगरी चलेगो ह, करेसकन्स गलातिया अर तितूस दलमतिया नगरी चलेगो।

यहून्ना 15:6

जखा मेर म कोनी बण्या रेह्‍वै, बे बेकार डाळ्यां की जंय्यां हीं जानै सूकबा ताँई फेक दिओ जावै। अंय्यां की डाळ्यां आग म बाळी जावै ह।

लूका 16:13

कोईबी नोकर दो मालिका की सेवा एक सागै कोनी कर सकै, अंय्यां होसी तो एकऊँ तो बेर राखसी अर दुसराऊँ परेम, बो एक क सागै तो बफादार रेह्सी अर दुसरानै छोटो जाणसी। अंय्यांई थे परमेसर अर धन की सेवा एक सागै कोनी कर सको।”

लूका 8:13

कांकरा प पड़बाळा बीज बे हीं जखा बचन सुणर बिनै राजी होर मानली। पण बाकै मना म बो गेराई कोनी पकड़ै बे थोड़ी देर ताँई बिस्वास करीं पण जद बानै बिचास्यो जावै जणा बे ओटा सरक ज्यावै।

लूका 8:15

अर उपळी माटी प पड़्या बीज बे हीं जखा बचन सुणर बिनै चोखा अर खरा हियाऊँ मानै अर थ्यावस राखर समाळर राखीं हीं जद ताँई क बाका करम बि बचन गेल नइ होज्यावै।

इबरानीआ 6:1

इ ताँई आओ आपा मसी की सरूआती सीखनै छोडर स्याणा बणबा ताँई आगै बढता रेह्‍वां। अर आपानै ओज्यु बाई बाता म नइ पड़्यो रेह्बो चाए जखी बाता आपा सरूआत म सीखी ही जंय्यां क मोत कानि लेज्याबाळा करमाऊँ हियो फेरबो अर परमेसर प बिस्वास करबो,