लूका 8:13 - जीवन को च्यानणो (सेकावाटी नया नियम की पोथ्या)

¹³ कांकरा प पड़बाळा बीज बे हीं जखा बचन सुणर बिनै राजी होर मानली। पण बाकै मना म बो गेराई कोनी पकड़ै बे थोड़ी देर ताँई बिस्वास करीं पण जद बानै बिचास्यो जावै जणा बे ओटा सरक ज्यावै।

लूका 8:13 Referans Kwoze

यहून्ना 5:35

यहून्ना तो बळता अर भळकता दिआ की जंय्यां हो अर थे थोड़ी देर बिका च्यानणा म राजी होबो चावा हा।

यहूदा 1:12

बिस्वासी मंडळी म जद कदै दावत होवै जणा बि टेम अ मिनख थारै सागै रेह्‍वै, जणा अ गेला का बा खाडा की जंय्यां हीं जखा पत्ताऊँ ढकेड़ा होवै। बिस्वासी मंडळी म रोटी खाती टेम अ आपका बेसरमी भर्या कामा प नइ तो सरमिंदा होवीं अर नइ आनै डर लागै। अ बा गुवाळ्या की जंय्यां हीं जानै लल्ड्याऊँ क्युंई मतबल कोनी, पण बे खुदको पेट भरबो सूल जाणी हीं। जंय्यां रेगीस्तान म बिना पाणी का बादळ भाळऊँ उनै का उनै होता रेह्‍वै ह पण छांटई कोनी गेरै, बंय्यांई अ मिनख बात तो बोळी लामी-लामी करीं हीं पण देबानै आकै कनै क्युंई कोनी। अ बि दरखत की जंय्यां हीं जखो आपकी रुत म बी कोनी फळै अर जिनै उपाड़ दिओ गयो ह। आऊँ क्युंई भलो कोनी होवै।

2 पतरस 2:22

बापै आ खेबत सई बेठै ह, “गंडक्ड़ो आपकी उल्टी चाटै ह अर न्हूवायड़ी सूलडी पाछी कादा म जावै ह।”

2 पतरस 2:20

ज अ मिनख परबु अर छुटकारो देबाळा ईसु मसी की बजेऊँ दुनिया की बुराईऊँ बचाया गया हा इकै वावजुद बी ज बे बुराई करीं हीं जणा आकी दसा पेलड़ी दसाऊँ बेसी बुरी होसी।

इबरानीआ 10:39

पण आपा बिस्वासऊँ फिरबाळा कोनी, जिऊँ क नास होज्यावां पण बिस्वास राखबाळा हां जिऊँ क पिराण बचावां।

इफिसुस 3:17

अर थारा बिस्वास क जरिए मसी थारा हिया म बास करतो रेह्‍वै, थे थारै मांय प्यार-परेम की जड़ पकड़र बिपै निम धरल्यो।

याकूब 2:26

अर जंय्यां काया आत्मा क बिना मरेड़ी ह बंय्यांई बिस्वास करम बिना मरेड़ो ह।

1 तिमूतियूस 1:19

बिस्वास अर साप अन्तर-आत्मा राख। क्युंक मिनख खुदकी अन्तर-आत्मा की कोनी सुणी, जिऊँ बे बिस्वासऊँ फिरगा।

1 थिसलूनिकी 3:5

इ ताँई जद मेरूँ ओर कोनी रिह्यो गयो जणा म थारा बिस्वास का हालचाल लेबा ताँई तिमूतियूसनै भेज्यो। परमेसर करै अंय्यां नइ होवै क बिचास्बाळो सेतान थानै बिचास्यो होवै अर म्हारी करी कराई मेनत अळी गई हो।

कलुसीयो 2:7

अर जंय्यां थानै सीखायो गयो ह बंय्यांई थारी जड़ानै बिमै फिलार बढता जाओ। बिपै थारा जीवना की निम गेरो। अर बिस्वास म पक्का होर बिको धनेवाद करता रेह्ओ।

गलातियो 3:4

के थे अत्तो दुख बेकार मई भोग्या? पण ओ पक्काई बेकार कोनी।

गलातियो 3:1

ओ बावळो गलाति मिनखो, थानै कूण भंगरा दिओ? म थानै साप-साप बता दिओ हो, क कंय्यां ईसु मसीनै सुळी प चढायो गयो हो।

1 कुरन्थीयो 15:2

ज मेरै जरिए सुणाईड़ा समचार प थे मजबूतीऊँ चालो जणा परमेसर थानै बचासी। ज थे अंय्यां कोनी करस्यो जणा मसी म थारो बिस्वास करबो बेकार ह।

यहून्ना 15:6

जखा मेर म कोनी बण्या रेह्‍वै, बे बेकार डाळ्यां की जंय्यां हीं जानै सूकबा ताँई फेक दिओ जावै। अंय्यां की डाळ्यां आग म बाळी जावै ह।

यहून्ना 15:2

बो माली हरेक बी डाळीनै काटै ह, जखी फळ कोनी ल्यावै, अर बि डाळीनै छांगर साप करै जखी फळ ल्यावै ह, जिऊँ बा ओरबी फळै।

कलुसीयो 1:23

ओ जणाई हो सकै ह जद थे बिस्वास म एक झघा अर अटल बण्या रह्यो अर जि चोखा समचारनै थे सुण्या हो बिऊँ मिलेड़ी बि आसनै मना तजो। ओ बोई चोखो समचार ह जिको म पोलुस गुलाम बण्यो हूँ अर इकी इ जगत का सगळा मिनखानै सीख दिनी गई ह।

1 कुरन्थीयो 13:2

अर ज म परमेसर की बाता बताऊँ अर म सगळा भेद खोल सकूँ अर सगळो ज्ञान बी जाणल्युं, अर मनै अठै ताँई बिस्वास बी होवै क म डूँगरानै हटा सकूँ हूँ, पण परेम कोनी करूं, जणा म क्युंई कोनी।

मरकुस 6:20

क्युं क हेरोद राजा यहून्नाऊँ डरतो हो। अर जाणतो हो क यहून्ना एक परमेसर को खरो अर धरमी मिनख ह। इ बजेऊँ बो बिकी रूखाळी करतो हो। अर हेरोद यहून्ना की बातानै सुणर बोळो घबरातो हो। इकै पाछै बी बिनै यहून्ना की बाता चोखी लागती ही।

1 यहून्ना 2:19

मसी का बेरी आपणाऊँ निकळ्या हीं पण बे आपणा कोनी। क्युं क ज बे आपणा होता जणा आपणो संगरो कोनी छोडता, पण बे अंय्यां कर दिखा दिओ क बे आपणा मऊँ कोनी।

लूका 8:12

बे बीज जखा गेला क सारै पड़्या, अ बे मिनख हीं जखा बचन सुणी, पण सेतान आर बाका मना मऊँ बिनै काडले क्युं क बो कोनी चावै क बे बिस्वास कर बच जावै।

लूका 8:14

अर जखा बीज झाड़्या म पड़्या बिको मतबल ओ ह की बे मिनख जखा बचननै सुणी पण जद बे बापै चाली जणा चिंत्या, धन-दोलत अर जिंदगी का मजा बानै दबा देवै ह जिऊँ बे सूल कोनी फळै।