लूका 7:8 - जीवन को च्यानणो (सेकावाटी नया नियम की पोथ्या)

⁸ म खुद दुसरा क तळै काम करबाळो आदमी हूँ अर मेरै तळै बी सिपाईड़ा काम करीं हीं, अर जद म बामैऊँ एकनै ओडाऊँ क, ‘तू जा’ जणा बो चल्यो जावै अर दुसरानै ओडाऊँ क, ‘आ’ जणा बो आज्यावै, अर जद म मेरा दासऊँ खेऊँ हूँ क, ‘अंय्यां कर’ जणा बो बंय्यांई करै ह।”

लूका 7:8 Referans Kwoze

कलुसीयो 3:22

गुलामो, थे मिनखानै राजी करबाळा की जंय्यां थारा मालिका क सामै काम मना करो। पण सचा मनऊँ परबु को मान करबा ताँई सगळी बाता म बाका हुकमानै मानो।

भेजेड़ा चेला का काम 23:17

जणा पोलुस एक सुबेदारनै बुलार बिऊँ बोल्यो, “इ मोट्यारनै पलटण का सरदार क कनै लेज्याओ, ओ बिऊँ क्युं बोलबो चावै।”

भेजेड़ा चेला का काम 25:26

पण इकै बारां म मेर कनै कोई पुक्‍ता बात कोनी जखी म रोम का राजानै मांडर भेजूँ। जणाई तो म इनै थारै सामै अर खास कर म्हराज अगरीपा! थारै सामै ल्यायो हूँ जिऊँ इ पुछाताछी क पाछै मेर कनै मांडबा ताँई क्युं होवै।

भेजेड़ा चेला का काम 24:23

अर फेलिक्स, सुबेदारनै ओडायो क, “पोलुसनै तेरी निगरानी म राख अर बिकाळा भाईलानै बिकी सेवा-पाणी करबा दे।”

भेजेड़ा चेला का काम 23:26

“म्हराज राजपाल फेलिक्सनै कलोदियुस लूसियस को नमस्कार।

भेजेड़ा चेला का काम 23:23

जणा पलटण को सरदार दो सुबेदारानै बुलार बोल्यो, “रात क नो बजे कैसरिया जाबा ताँई दो सो सिपाईड़ा, सत्तर घुड़सवार अर दो सो भाला बगाबाळानै त्यार राखो।

लूका 7:7

इ बजेऊँई तो म खुद थारै कनै आबा की कोनी बिचारी। पण थे तो बस खे द्‍यो, मेरो दास निरोगो होज्यासी।

लूका 7:9

आ सुणर ईसुनै बि मिनख प ताजूब होयो, बे मुड़र बाकै गेल आर्या मिनखाऊँ खया, “इ जंय्यांको पक्को बिस्वास तो म इजरायल का मिनखा म बी कोनी देख्यो।”

भेजेड़ा चेला का काम 23:31

जणा पाछै सिपाईड़ा ओडाया गेल बिनै रात्यु-रात अन्तिपतरिस नगरी म ल्याया।