लूका 7:6 - जीवन को च्यानणो (सेकावाटी नया नियम की पोथ्या)

⁶ जणा बे बाकै सागै होलिआ। पण जद बे बिकाळा घरा क सांकड़ै लाग्याक बि टेम बो सुबेदार क्युंक भाईला क हात आ खुवा भेजी क, “परबु म अत्तो बडो आदमी कोनी, क थे मेरी छात क तळै आओ।

लूका 7:6 Referans Kwoze

याकूब 4:6

पण परमेसर आपणा प दया करी ह, इ ताँई बिधी विधान म मंडेड़ो ह क, “परमेसर गुमान करबाळा क खिलाप ह, पण नरमाईऊँ चालबाळा मिनखा प दया करै ह।”

मरकुस 5:24

जणा ईसु बिकै सागै चाल पड़्यो अर घणीसारी भीड़ बी बिकै गेल होली। अर लोग बिपै टूटर पड़ै हा।

लूका 8:49

बो हाल बोलर्योई हो क अत्ता मई यहूदि मिनखा का अरदास घर का अधिकारी क घराऊँ एक जणो आर बोल्यो क, “तेरी छोरी तो मरगी, इब गरूजीनै ओर तंग मना करै।”

याकूब 4:10

थे परबु क सामै खुदनै छोटो करो जिऊँ बो थानै उचो उठासी।

भेजेड़ा चेला का काम 10:38

जंय्यां क थे जाणोई हो क परमेसर, कंय्यां पबितर आत्मा अर सक्‍तिऊँ ईसु नासरी को अभिसेक कर्यो। बो च्यारूमेर जार भलाई करतो अर सेतान का सतायड़ा सगळानै निरोगो करतो क्युं क परमेसर बिकै सागै हो।

लूका 5:8

आ देखर समोन पतरस ईसु क पगा म पड़गो अर बोल्यो, “परबु म पापी हूँ मेरूँ दूर रेह्ओ।”

मत्ती 20:28

थे मिनख का बेटा की जंय्यां बणो जखो सेवा-पाणी कराबा ताँई कोनी आयो। पण सेवा-पाणी करबा अर बोळासारा मिनखानै छुटाबा ताँई आपका पिराण देबा आयो ह।”

मत्ती 3:11

म तो थानै पाणी को बतिस्मो द्‍युँ हूँ, जिऊँ ओ बेरोपाट सकै क थे थारा पापऊँ तौबा कर लिआ हो। पण जखो मेरै पाछै आबाळो ह बो मेरूँ बोळो म्हान ह; म तो बिकाळा जूता का सळू खोलबा जोगोई कोनी। बो थानै आग अर पबितर आत्मा को बतिस्मो देसी।

लूका 7:4

जणा बे आर ईसुऊँ सचा मनऊँ मिन्नत करी क, “म्हराज थे सुबेदार की मदद करो क्युं क बो इ जोगो ह।

लूका 7:5

क्युं क बो म्हारा यहूदि मिनखाऊँ प्यार-परेम राखै ह अर बो म्हानै अरदास करबा ताँई ठिडो बणार दिओ ह।”

लूका 7:7

इ बजेऊँई तो म खुद थारै कनै आबा की कोनी बिचारी। पण थे तो बस खे द्‍यो, मेरो दास निरोगो होज्यासी।