लूका 7:42 - जीवन को च्यानणो (सेकावाटी नया नियम की पोथ्या)

⁴² पण बे दोन्युई बिको करजो कोनी चुकतो कर सक्या जणा साऊकारनै बापै दया आगी अर बो दोन्या को करजो माफ कर दिओ। इब तू बता बा दोन्या मऊँ बिनै बेत्ती परेम कूणसो करसी?”

लूका 7:42 Referans Kwoze

कलुसीयो 3:13

याद राखो परबु थारा पापनै माफ कर्यो ह, इ ताँई एक दुसरा की सिकायत करबा की बजाय बिनै सेल्यो अर एक दुसरानै माफ करो।

इफिसुस 4:32

एक दुसरा प दया कर्या करो अर जंय्यां परमेसर ईसु मसी म थारा बुरा कामा ताँई थानै माफ कर्यो ह बंय्यांई थे बी एक दुसरानै माफ करो।

इफिसुस 1:7

ईसु मसी की खुदकी मरजीऊँ बिका लोयऊँई आपणो छुटकारो होयो ह अर पापऊँ माफी मिली ह। आ परमेसर की बोळी बडी दया ह,

गलातियो 3:10

जखो बी नेम-कायदानै मानबा की बजेऊँ परमेसरनै राजी करबो चावै ह, बो सराप क बस म ह, क्युं क नेम-कायदा म मांडेड़ो ह क, “जखो बी नेम-कायदा म मांडेड़ी सगळी बातानै नित-नित कोनी मानै बो सरापित ह।”

रोमीयो 5:6

क्युं क जद आपा माड़ी दसा म हा ठिक बि टेमई मसी अधरम्या ताँई मर्यो।

रोमीयो 3:24

पण मसी ईसु म जखो छुटकारो ह बिकै जरिए परमेसर की दयाऊँ बे सितमित म धरमी बणाया गया हीं।

मत्ती 18:34

अर बो राजा झाळ्या म भर'र बि मिनखनै सिपाईड़ा क हाता सूप दिओ अर खयो, ‘जद ताँई ओ पाई-पाई नइ चुका दे इनै केद राखो।’

मत्ती 6:12

अर जंय्यां म्हें म्हारै खिलाप बुराई करबाळानै माफ कर्या हा बंय्यांई थे म्हानै माफ करो।

मत्ती 18:27

राजानै बिपै तरस आयो इ ताँई बे बिनै छोड दिओ। अर बिको करजो बी माफ कर दिओ।

लूका 7:43

समोन खयो, “मेरा बिचारऊँ जिका बेत्ती पिसा माफ कर्या घणो प्यार तो बोई करसी।” जणा ईसु खया, “तेरो फेसलो सई ह।”