लूका 7:34 - जीवन को च्यानणो (सेकावाटी नया नियम की पोथ्या)

³⁴ अर इकै पाछै मिनख को बेटो आयो जखो खातो-पीतो हो, जिनै थे डचु अर दारूड़ो बतायो, चुंगी लेबाळा अर पाप्या को भाईलो बतायो।

लूका 7:34 Referans Kwoze

लूका 15:2

जणा फरिसी अर सास्तरानै सीखाबाळा आपसरी म बड़बड़ाबा लाग्या, “ओ तो पाप्याऊँ मिलै अर बाकै सागै खावै।”

यहून्ना 12:2

बे बि ताँई रोटी बणाई, मारथा रोटी परोसरी ही। लाजर बी बाकै सागै बेठगो जखा ईसु क सागै रोटी खार्या हा।

लूका 19:7

आ देखर जत्ता बी बठै भेळा होर्या हा बे सगळा आपसरी म बड़बड़ाबा लागगा क, “ओ तो पापी क घरा पावणा-पुड़ी खाबा गयो ह।”

लूका 14:1

एक बर यहूदि मिनखा क अरामहाळा दिन ईसु मान्या-थान्या फरिसीया मऊँ एक परधान क घरा रोटी जिमबा गयो, अर बठै लोग बिपै आँख धर्या बेठ्याई हा।

लूका 7:36

एक फरिसी ईसुनै आपकै घरा मिजमानी को नूतो दिओ। जणा बे फरिसी क घरा गया अर मिजमानी खाबा बेठगा।

लूका 5:29

इपै लेवी ईसु क सनमान म एक दावत दि अर बि दावत म चुंगी लेबाळा अर दुसरा मिनखा की चोखी भीड़ होरी ही। जखा बिकै सागै रोटी खाबा बेठ्या हा।

मत्ती 9:11

बानै सागै बेठ्या देखर क्युंक फरिसी ईसु का चेलानै खया, “थारो गरूजी तो चुंगी लेबाळा अर पापी मिनखा क सागै खावै अर उठा-बेठी करै ह?”

यहून्ना 2:2

ईसु अर बिका चेलानै बी इ ब्या म नूतेड़ो हो।

लूका 11:37

ईसु आपकी सुणार चुप होयो, जणा एक फरिसी बिनै आपकै घरा रोटी खाबा ताँई नूत्यो। जणा बे बिकै घरा जार चोकी प रोटी खाबानै बेठगा।

मत्ती 5:46

अंय्यां म इ ताँई खेऊँ हूँ क्युं क ज थे थारूँ प्यार-परेम करबाळा क सागैई परेम करस्यो जणा थानै बिको काँई फळ मिलसी। अंय्यां तो चुंगी लेबाळा बी कोनी करै के?

मत्ती 11:19

मिनख को बेटो ओरा की जंय्यां खातो-पीतो आयो अर बे खेवै ह, ‘ओ पेटू अर दारूड़ो ह चुंगी लेबाळा अर पाप्या को भाईलो ह।’ परमेसर की बुदी प चालबाळा आपका करमाऊँ बिकी बुदीनै सई साबित करै ह।”

लूका 7:33

खेबा को मतबल ओ ह क बतिस्मो देबाळो यहून्ना रोटी कोनी खातो अर नइ अँगूरी पीतो, अर थे बोलो हो बिमै ओपरी बलाय ह।

लूका 7:35

परमेसर की बुदी गेल चालबाळा बिकी बुदीनै सई साबित करीं हीं।”