लूका 7:21 - जीवन को च्यानणो (सेकावाटी नया नियम की पोथ्या)

²¹ बि टेमई ईसु बोळा रोगलानै बाकी पिड़ाऊँ निरोगा कर्या, ओपरी बलायाऊँ मिनखानै छुटाया अर बोळा आँदानै आँख्या दि।

लूका 7:21 Referans Kwoze

मरकुस 3:10

ईसु बोळासारा मिनखानै निरोगो कर्यो हो इ ताँई घणासारा रोगला बिकै हात अड़ाबानै बिपै पड़र्या हा।

इबरानीआ 12:6

क्युं क परबु बानैई सुदारै ह जाऊँ बो परेम करै ह, अर बो बानैई सजा देवै ह जानै बो आपको बेटो करर अपणावै ह।”

मरकुस 5:34

अर ईसु बिऊँ बोल्यो, “बेटी तू तेरा बिस्वास की बजेऊँ निरोगी करी गई ह, सुकऊँ चली जा अर बिमारीऊँ बची रेह।”

मरकुस 5:29

बिको हात्युहात लोय भेबो बंद होगो अर बा आपकी काया म जाणगी क म निरोगी होगी हूँ।

मत्ती 4:23

ईसु गलिल नगरी की सगळी झघा म घूमतो होयो अर अरदास करबाळी झघा म परमेसर का राज का चोखा समचार क बारां म बतातो अर लोगा का रोग अर कमजोरीनै दूर करतो रिह्यो।

मत्ती 4:24

सगळा सिरीया देस म बिकी चरचा फेलगी अर लोग सगळा रोगलानै जखा भात-भात का रोगाऊँ रोगला हा, जखा पिड़ा म पड़्या हा, फेंट होईड़ा, जामै दोरा आता हा अर हवा भेयड़ा मिनखानै बिकन ल्याया अर बो बा सगळानै निरोगो कर दिओ।

लूका 7:20

जणा बे ईसु कनै जार बाऊँ खया, “बतिस्मो देबाळो यहून्ना म्हानै थारूँ आ बुजबा ताँई भेज्या हीं क थे आबाळा मसी हो के, नहिस म्हें कोई दुसरानै उडिकां?”