लूका 7:13 - जीवन को च्यानणो (सेकावाटी नया नियम की पोथ्या)

¹³ जणा बि खाली होईड़ीनै देखर ईसुनै बिपै तरस आयो अर बे बिऊँ बोल्या, “रोवै मना।”

लूका 7:13 Referans Kwoze

इबरानीआ 4:15

क्युं क आपणो म्हायाजक अंय्यां को कोनी जखो आपणी कमजोरीनै म्हेसुस कोनी कर सकै; क्युं क बिनै सगळी बाता म आपणी जंय्यां बिचास्यो गयो हो जणा बी बिमै कोई पाप कोनी लाध्यो।

लूका 8:52

अर जत्ता बी बठै हा बे जोर-जोरऊँ बार घालर रोर्या हा। ईसु बोल्यो, “रोओ मना आ मरी कोनी ह, आ सुती ह।”

इबरानीआ 2:17

इ ताँई बिनै हर बात म मिनखा जंय्यां को बणायो गयो, जिऊँ बो परमेसर की सेवा करबा ताँई दया करबाळो अर बिस्वास जोगो म्हायाजक बणै। अर मिनखा को परमेसरऊँ ओज्यु मेळ कराबा ताँई बलि होवै।

यहून्ना 20:15

ईसु बिऊँ बोल्यो, “स्याणी, तू क्याले रोवै ह अर तू किनै ढुंढै ह?” बा आ सोचर क ओ माळी ह, बाऊँ बोली, “स्याणो ज थे बानै कठिनै धर्या हो जणा मनै बताओ क थे बानै कठै धर्या हो? म बानै मेरै सागै लेज्यास्युं।”

मरकुस 8:2

“मनै आपै तरस आर्यो ह क्युं क अ मिनख तीन दिनाऊँ मेरै सागै हीं अर आकै कनै खाबा ताँई क्युंई कोनी।

यहून्ना 11:2

मरीयम बिमार लाजर की भाण ही, जखी परबु ईसु को ईतर उंदकार अभिसेक करी अर बिका पगानै आपका बाळाऊँ पुछी ही।

लूका 24:34

बे बोलर्या हा, “परबु सचमई जीगो क्युं क समोन बिनै जीवतानै देख्यो ह।”

लूका 17:5

बे चेला जानै भेजेड़ा चेला क नामऊँ बोल्या जाता हा बे कह्या, “परबु म्हारा बिस्वासनै बढा।”

1 कुरन्थीयो 7:30

अर जखा बिलखै ह बे अंय्यां रेह्‍वै जंय्यां बे कदै दुखीई कोनी होया। अर जखा राजी हीं बे अंय्यां रेह्‍वै क बे कदै राजीई कोनी रिह्या। अर जखा चिज मोल लेवीं हीं बे अंय्यां रेह्‍वै क बाकन क्युंई कोनी।

यहून्ना 20:13

बे बिऊँ बुज्या, “स्याणी, तू क्याले रोवै ह?” बा बोली, “बे मेरा परबुनै उठा लेग्या अर मनै बेरो बी कोनी क, बे बानै कठै धर्या।”

लूका 13:15

जणा परबु बानै जुबाब दिओ, “अरै ओ कपट्यो, थे कंय्यां अरामहाळा दिन थाकाळा गधेड़ा अर बळदनै ठाण मऊँ खोलर पाणी प्याबा लेज्याओ हो।

लूका 10:1

इकै पाछै परबु, जि नगरी अर झघा जाबाळो हो बठै जाबाऊँ पेली बो ओर भत्तर मिनखानै टाळर आपकै अगाऊ बानै दो-दो कर बा नगर्या अर झघा म भेज्या।

लूका 7:19

जणा यहून्ना आपका दो चेलानै बुलार बानै ईसु कनै ओ बेरो पाड़बानै भेज्यो क, “थे कूण हो? कदै थे आबाळा बेई तो मसी कोनी हो नहिस फेर म्हें कोई ओरनै उडिकां?”

1 थिसलूनिकी 4:13

मेरा लाडला बिस्वास्यो, म्हें चावां हां क थे मरेड़ा क ओज्यु जी उठबा का सचनै जाणो, जिऊँ थे बिस्वास नइ करबाळा मिनखा की जंय्यां थारा बिस्वासी मरेड़ा मिनखा ताँई बेआस होर दुखी नइ होवो।

लूका 22:61

जणा ईसु बिनै आपकी नाड़ घूमार देख्यो। अर देख ताँई पतरसनै परबु की बोलेड़ी बात याद आगी क, “आज मुरगा क बांग देबाऊँ पेली तू मेरै ताँई तीन बार नटसी।”

लूका 7:12

बे जंय्यांई नगरी का दरूजा प पुग्याक, जणा देख्या क बठिकी एक अरथी जारी ही, अर बो एक खाली होईड़ी को एकलोतो बेटो हो जि बजेऊँ नगरी का घणकराक बिका दाग म सामिल हा।

लूका 7:14

जणा ईसु गया अर अरथी क हात लगाया अर कांध्या हा जखा डटगा। जणा ईसु बोल्या, “मोट्यार म तेरूँ खेऊँ हूँ उठ।”

लूका 11:1

एक दिन अंय्यां होयो क ईसु एक झघा अरदास करर्यो हो। जद बो अरदास कर हट्योक जणा बिका चेला मऊँ एक बोल्यो, “परबु म्हानै बी आ अरदास करबो सीखाओ। जंय्यां की बतिस्मो देबाळो यहून्ना आपका चेलानै सीखायो हो।”

लूका 11:39

जणा ईसु बिऊँ बोल्यो, “थे फरिसी हो जखा थाळी कचोळानै बारनै-बारनैऊँ तो मांजो हो। पण बो मांयनैऊँ तो गंदो को गंदो रेह बंय्यांई हात धोया काँई जद थारै मांयनै लालच अर बुराई भरी पड़ी ह।

लूका 12:42

आ बात सुणर ईसु बोल्यो, “समजदार अर बिस्वास जोगो दास कूण ह? जिनै बिको मालिक घर चलाबा अर दुसरा दासानै टेमुटेम रोटी-टुक देबा ताँई भंडारी बणावै ह।”

लूका 17:6

परबु कह्या, “म थारूँ बोलुँ हूँ ज थारै म राई क दाणा जत्तो बी बिस्वास होतो तो थे, इ सेसुत का दरख्तऊँ बोलता जड़ समेत उपड़'र समदर म लागज्या, जणा बो थारी बात मान ज्यातो।

लूका 18:6

परबु बोल्या, “सुणो बो बेईमान पंच काँई बोल्यो हो?

लूका 19:8

पण जक्कई ह जखो भापड़ो खड़्यो होर परबुऊँ बोल्यो, “ओ म्हराज मेर कनै जत्ती बी धन-दोलत ह बिको आदो म गरीबा म बाट देस्युँ अर ज बेईमानीऊँ कोई भाईड़ा को क्युं बी दाब लिओ हो जणा म बिको बिनै चोगुणो पाछो दे देस्युँ।”

लूका 24:3

जणा बे मांयनै जार देखी पण बानै बठै परबु ईसु की लास कोनी लाधी।

यहून्ना 4:1

फरिसी आ सुणी क, ईसु यहून्नाऊँ बेत्ती चेला बणावै अर बानै पाणी को बतिस्मो देवै ह।

यहून्ना 6:23

जणा तिबरिआस नगरीऊँ क्युंक न्यावा बि झघा आई, जठै परबु क धनेवाद देबा क पाछै मिनख रोटी खाई ही।

यहून्ना 11:3

अ भाणा ईसुनै समचार पुगायो क, “परबु, थारो पक्को भाईलो बिमार ह।”