लूका 6:21 - जीवन को च्यानणो (सेकावाटी नया नियम की पोथ्या)

²¹ थे भागहाळा हो जखा भूखा हो, थानै धपायो ज्यासी। थे भागहाळा हो जखा आज रोर्या हो, क्युं क आगै थे हसस्यो।

लूका 6:21 Referans Kwoze

यहून्ना 6:35

ईसु बाऊँ बोल्यो, “जीवन की रोटी म हूँ। जखो मेरै कनै आसी बो भूखो कोनी रेह्सी, अर बो जखो मेर प बिस्वास करसी कदैई तिसायो कोनी मरसी।

मत्ती 5:6

भागहाळा ह बे जखा धरम का काम करबा ताँई भूखा हीं; परमेसर बाकी इंछ्या पूरी करसी!

याकूब 1:12

बो मिनख भागहाळो ह जखो बिचास्या जाबा की घड़ी म डट्यो रेह्‍वै ह, क्युं क बिनै बिचास्या जाबा क पाछैई खरो मिनख बणार जीवन को मुकट मिलसी, जिनै परबु आपका परेम करबाळानै देबा को बादो कर राख्यो ह।

लूका 1:53

बो भूखानै चोखी-चोखी चिजाऊँ भर्यापूरा अर धायानै रिता फांका भेज दिओ।

मत्ती 5:4

भागहाळा ह बे जखा रोवै ह; क्युं क परमेसर बानै स्यांती देसी!

दरसाव 7:16

बानै नइ तो ओज्यु भूख लागसी, अर नइ ओज्यु कदै तिस लागसी। बानै सूरज की तावड़ी बी कोनी बाळसी , अर नइ कोई ओर गरमी बाळसी।

लूका 6:25

हाय थार प जखा धापेड़ा हो क्युं क थे बास्या मरस्यो हाय ह थार प जखा हसो हो, क्युं क पाछै थे बार घालता रोस्यो

1 कुरन्थीयो 4:11

अर म्हें इब ताँई भूखा तिसाया अर उघाड़ा हां, म्हारै सागै मारा पिटी करी जावै ह अर म्हें बेघर हां।

यहून्ना 4:10

ईसु जुबाब म बोल्यो, “ज तू परमेसर का बरदाननै जाणती अर आबी क, ‘जखो तेरूँ पीबा ताँई पाणी माँगर्यो ह बो कूण ह, जणा तू बिऊँ माँगती अर बो तनै जीवन देबाळो पाणी देतो।’”

दरसाव 21:3

जणा म परमेसर का सिंघासनऊँ एक जोरको हेलो सुण्यो, “देखो! इब परमेसर मिनखा क बिचमै रेह्सी। बाको बास मिनखा क बिचमै होसी। अर बे परमेसर की परजा होसी अर परमेसर खुद बाको परमेसर होसी।

2 कुरन्थीयो 12:10

हाँ म कमजोर होर, बेजत होर, दुख म, सताव म, परेसानी म राजी हूँ, ज बे मसी की बजेऊँ ह। क्युं क जद म कमजोर होऊँ हूँ, जणाई ताकतबर होऊँ हूँ।

2 कुरन्थीयो 11:27

पिड़ा अर बोळी मेनत करबा क पाछै बी बार-बार भूखो तिसायो रिह्यो जिऊँ म सोयो बी कोनी। अर बोळी बार तो दावा म बिना गाबा क धुजतो रिह्यो।

2 कुरन्थीयो 6:10

म्हारा हिया म पिड़ा ह पण म्हें सदाई राजी रेह्‍वां हां, म्हें कंगला की जंय्यां दिखां हां पण ओरानै पिसाळा बणा देवां हां, म्हें रिता हात दिखां हां पण म्हारै कनै सक्यु ह।

यहून्ना 11:35

ईसु की आँख्या म आसु आगा।

लूका 6:20

इकै पाछै बो आपका चेला कानि देखर बोल्यो, “थे गरीब हो जणाई भागहाळा हो, इ बजेऊँई परमेसर को राज थारो ह।

लूका 6:22

थे भागहाळा हो जद मिनख का बेटानै मानबा की बजेऊँ दुसरा मिनख थारूँ बेर राखीं, थानै समाज क बारनै करीं, थारी बेजती करीं अर थानै बुरा बतावीं हीं।