लूका 5:17 - जीवन को च्यानणो (सेकावाटी नया नियम की पोथ्या)

¹⁷ एक बर जद ईसु सीख देर्यो हो जणा बठै गलिल, यहूदिआ, अर यरूसलेम का सगळा नगर्याऊँ आएड़ा फरिसी अर धरम की सीख देबाळा बठै बेठ्या हा। अर रोगलानै निरोगा करबा ताँई परबु परमेसर की सक्‍ति बिकै सागै ही।

लूका 5:17 Referans Kwoze

लूका 6:19

अर सगळा बिकै अड़बो चावा हा क्युं क बिमैऊँ सक्‍ति निकळरी ही जखी सगळानै निरोगो कर'री ही।

लूका 8:46

पण ईसु खया, “कोई तो मेरै पक्काई हात अड़ायो ह क्युं क मेर मऊँ सक्‍ति निकळी ह।”

भेजेड़ा चेला का काम 19:11

अर परमेसर पोलुस क हाताऊँ मिनखानै ताजूब का काम दिखातो हो।

मत्ती 11:5

आँदा ओज्यु देखीं हीं, लंगड़ा चालीं हीं, कोढ्या को कोढ धोयो जार्यो ह। बैरा सुणर्या हीं, मुरदानै जीवायो जार्यो ह अर गरीबा म चोखा समचार को परचार कर्यो जार्यो ह।

भेजेड़ा चेला का काम 4:30

थारा पबितर दास ईसु का नामऊँ मिनखानै निरोगा करबा ताँई, नइ होबाळा काम अर चमत्कार करबा ताँई थारा हात बढाओ।”

मरकुस 7:1

फरिसी अर सास्तरानै सीखाबाळा जखा यरूसलेमऊँ आया हा अर बे ईसु कनै भेळा होया

मरकुस 5:30

अर जदकी जद ईसुनै बी लाग्यो क बिकै मांयनैऊँ सक्‍ति निकळी ह। ईसु गेलनै मुड़र बुजबा लाग्यो, “मेरा गाबा क कूण हात अड़ायो ह?”

मत्ती 15:1

यरूसलेमऊँ क्युंक फरिसी अर सास्तरानै सीखाबाळा आर ईसुऊँ बुज्या,

यहून्ना 3:21

पण जखा खराई प चालै ह, बे च्यानणा म आवै ह। जिऊँ ओ सामै आ सकै, क जोक्यु परमेसर चातो हो बोई बे कर्या।”

लूका 2:46

तीन दिना क पाछै बो बानै ज्ञानीधान्या म बेठ्यो बाकी सुणतो अर बाऊँ सुवाल जुबाब करतो मनदर म लाध्यो।

लूका 15:2

जणा फरिसी अर सास्तरानै सीखाबाळा आपसरी म बड़बड़ाबा लाग्या, “ओ तो पाप्याऊँ मिलै अर बाकै सागै खावै।”

लूका 7:30

पण फरिसी अर सास्तरानै सीखाबाळा, यहून्नाऊँ पाणी को बतिस्मो नइ लेर परमेसर बा ताँई जोक्यु ध्यार राखी ही बिनै टाळ दिआ।

लूका 5:30

इ बात प फरिसी अर सास्तरी बिका चेलानै ओळमो दिआ क, “थे चुंगी लेबाळा अर पापी मिनखा क सागै खाई-पी क्युं करो हो?”

लूका 5:21

जणा सास्तरी अर फरिसी आपसरी म बुजबा लाग्या क, “ओ पाप धोबाळो कूण होवै ह पाप तो परमेसरई धो सकै ह जणा ओ क्युं परमेसर की बुराई करै ह।”

मरकुस 16:18

ज बे आपका हाताऊँ साँप बी पकड़ै अर झेर बी पीज्यावै जणा बी बाकै क्युंई कोनी होसी, अर बे रोगला प हात धरसी जणा बे ठिक होज्यासी।”

मरकुस 3:22

यरूसलेमऊँ आएड़ा धरमसास्तरी खेता हा क, “ईसु क मांयनै भूता को नाथ बालजबुल रळर्यो ह।” क्युं क ईसु बिकी सक्‍तिऊँ ओपरी बलायनै काडै ह।

मरकुस 1:45

पण बो बारनै जार सगळा म आ बात फेला दि जिऊँ ईसु बि नगरी म चोड़ै-धाड़ै कोनी जा सक्यो। पण बो उजाड़ म रिह्यो। अर बठै बी लोग च्यारूमेरूँ बिकन आर्या हा।

यहून्ना 3:10

ईसु बिऊँ बोल्यो, “तू इजरायल्यानै सीख देबाळो होर बी, आ बातानै क्युं कोनी समज सक्यो?

भेजेड़ा चेला का काम 5:34

पण बामै गमलिएल नाम को एक फरिसी जखो यहूदि नेम-कायदा सीखाबाळो हो अर सगळा मिनख बिकी ईज्जत करता हा। बो पंचायत म खड़्यो होर बा चेलानै चिनेक देर बारनै लेज्याबा ताँई हुकम दिओ।