लूका 4:25 - जीवन को च्यानणो (सेकावाटी नया नियम की पोथ्या)

²⁵ म थारूँ साची बोलुँ हूँ, एलिआ का टेम जद साडे तीन बरसा ताँई एक छाँटई कोनी गिरी अर सगळा देस क मांयनै सागेड़ो काळ पड़्यो बि टेम का इजरायल म घणिई खाली होईड़ी लूगाया ही।

लूका 4:25 Referans Kwoze

याकूब 5:17

एलिआ बी आपणी जंय्यां एक मिनख हो। अर बो बिस्वास क सागै अरदास कर्यो क मी नइ बरसै जणा साडे तीन बरसा ताँई धरती प मी कोनी बरस्यो।

मत्ती 20:15

मेरा धन क सागै म क्युं बी करूं इको हक मनै कोनी के? म चोखो मिनख हूँ इ ताँई तू जळै ह के?’

लूका 10:21

बि घड़ी ईसु पबितर आत्माऊँ भर'र राजी होर बोल्यो, “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञानीद्यान्याऊँ लखोर राखी अर गुठा छाप प आका भेदानै खोल्या। क्युं क ओ थारी नजर्या म चोखो हो।

इफिसुस 1:11

परमेसर सगळी चिजा बंय्यांई करी जंय्यां बो ध्यार राखी ही; अर परमेसर आपका मकसद गेल आपणानै बी मसी क सागै बिका मिनख होबा ताँई टाळ्यो जिनै बो बोळी पेल्याऊँई ध्यार राख्यो हो।

इफिसुस 1:9

परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।

रोमीयो 9:20

मिनख कूण होवै ह जखो परमेसरनै ओटो जुबाब देवै? के कोई हात की बणाएड़ी चिज बिका बणाबाळानै बुज सकै ह क, “तू मनै अंय्यां क्युं बणायो?”

रोमीयो 9:15

क्युं क बो मूसाऊँ बोल्यो हो, “म जिपै दया करबा की मन म करस्युं बिपै दया करस्युं। अर जिपै बी तरस खाबा की मन म करस्युं बिपै तरस खास्युं।”

दरसाव 11:6

आसमान बाकै बस म होसी जिऊँ जत्ता दिन बे परमेसर की बाता को हेलो पाड़ै बता दिन बरसात कोनी बरससी। पाणी प बी बाको बस चालसी जिऊँ बे पाणीनै लोय म बदल दे, अर बे जद चावै इ धरती प म्हामारी ल्या सकीं हीं।