लूका 4:18 - जीवन को च्यानणो (सेकावाटी नया नियम की पोथ्या)

¹⁸ “परबु की पबितर आत्मा मेर प ह, क्युं क बे मेरो अभिसेक करर भेज्यो ह, क म बोदानै चोखो समचार सुणाऊँ, केद्‍या की अजादि को हेलो पाड़ूँ, आँदानै आँख्या द्‍युँ, दब्या-चिथ्यानै उठाऊँ,

लूका 4:18 Referans Kwoze

मत्ती 11:5

आँदा ओज्यु देखीं हीं, लंगड़ा चालीं हीं, कोढ्या को कोढ धोयो जार्यो ह। बैरा सुणर्या हीं, मुरदानै जीवायो जार्यो ह अर गरीबा म चोखा समचार को परचार कर्यो जार्यो ह।

भेजेड़ा चेला का काम 10:38

जंय्यां क थे जाणोई हो क परमेसर, कंय्यां पबितर आत्मा अर सक्‍तिऊँ ईसु नासरी को अभिसेक कर्यो। बो च्यारूमेर जार भलाई करतो अर सेतान का सतायड़ा सगळानै निरोगो करतो क्युं क परमेसर बिकै सागै हो।

लूका 7:22

जणा ईसु बाऊँ कह्या, “जोक्यु थे सुण्या अर देख्या हो बो जार यहून्नानै खे द्‍यो क आँदा ओज्यु देखीं हीं, लंगड़ा चालीं हीं, कोढ्या को कोढ धोयो जार्यो ह अर बेरा सुणर्या हीं, मुरदानै जीवायो जार्यो ह अर गरीबा म चोखा समचार को परचार कर्यो जार्यो ह।

भेजेड़ा चेला का काम 26:18

जिऊँ तू बाकी आँख्या खोलै अर बानै अँधेराऊँ च्यानणा म अर सेतान की सक्‍तिऊँ परमेसर कानि ल्यावै, अर मेर प बिस्वास करबाऊँ बानै पापऊँ माफी मिलसी अर जखी बापोत मेरा टाळेड़ा मिनखा ताँई ह बिमै बाको बी हिस्सो होसी।’

यहून्ना 12:46

म जगत म च्यानणा की जंय्यां आयो, जिऊँ मेर प बिस्वास करबाळा अँधेरा म नइ पड़्या रेह्‍वै।

1 पतरस 2:9

पण थे अंय्यां का मिनख कोनी हो। थे तो परमेसर का टाळेड़ा खास मिनख हो। थे स्याही याजका की टोळी अर पबितर कूणबो हो। एक कूणबो जखो परमेसरऊँ निकळ्यो ह। परमेसर थानै अँधकारऊँ ताजूबभर्या च्यानणा म ल्यायो ह। जणा इब थानै चाए क थे बिकी ताजूबभरी बाता को जखी बो करी ह, हेलो पाड़ो। पबितर सास्तर म मंडेड़ो ह,

कलुसीयो 1:13

परमेसर आपणानै अँधकार की सक्‍तिऊँ छुटार आपका लाडला बेटा क राज म बाड़्यो ह।

मत्ती 4:16

जखा अँधेरा म बेठ्या हा, बे च्यानणो देख्या; अर जखा मोत का काळ म हा बाकै उपर बी च्यानणो चमक्यो।”

मत्ती 5:3

“भागहाळा ह बे मिनख जखा आत्मा का भूखा हीं; क्युं क ईस्बर नगरी को राजपाट बाकोई ह!

लूका 6:20

इकै पाछै बो आपका चेला कानि देखर बोल्यो, “थे गरीब हो जणाई भागहाळा हो, इ बजेऊँई परमेसर को राज थारो ह।

याकूब 2:5

मेरा लाडला बिस्वास्यो, ध्यानऊँ सुणो, के ईस्बर बानै कोनी टाळ्यो जखा इ जगत का मिनखा की नजर्या म गरीब ह? जिऊँ बे बिस्वास म अमीर होज्यावै अर बि राज का अधिकारी बणै जिनै परमेसर बिऊँ परेम करबाळानै देबा को बादो कर्यो ह।

यहून्ना 3:34

क्युं क जिनै परमेसर भेज्यो ह, बो परमेसर का बोल बोलै ह। क्युं क परमेसर बिनै बेथां पबितर आत्माऊँ भर्यो ह।

यहून्ना 1:41

बो सऊँ पेली आपका भाई समोननै ढुंढर बोल्यो, “म्हानै मसी मिलगो ह।” मसी को मतबल टाळेड़ो होवै।

मत्ती 12:20

जद ताँई बो धरती प धारमिक्‍ता नइ फेलादे बो खिनई नास कोनी करै। चाए कोई अटकेड़ी पान्नी की जंय्यां हो नहिस दिआ की बुत्तबाळी लोय की जंय्यां कमजोर हो।

भेजेड़ा चेला का काम 4:27

सचमई थारा अभिसेक करेड़ा पबितर दास ईसु क खिलाप हेरोद अर पिन्तुस को पीळातुस इ नगरी क मांय इजरायल का मिनखा अर गैर-यहूदिआ क सागै कांदाऊँ कांदो मिलार खड़्या होगा।

मत्ती 12:18

“देखो ओ मेरो दास ह जिनै म टाळ्यो हूँ, ओ मेरो लाडलो ह, जिऊँ म बोळो राजी हूँ। म मेरी पबितर आत्मा इकै उपर उतारस्युं, अर ओ धरती का सगळा मिनखा म हेलो पाड़सी क परमेसर ईमानदारीऊँ बाको न्याय करसी।

लूका 4:17

अर बाचबा ताँई बिनै परमेसर की खेबाळा यसाया की पोथी दि गई। अर बो पोथी खोलर बा झघा काडी जठै ओ मंडर्यो हो,

भेजेड़ा चेला का काम 4:26

धरती का राजा अर राज करबाळा आपसरी म एको कर परबु परमेसर अर बिका अभिसेक करेड़ा मसी क सामै होगा।’