लूका 3:8 - जीवन को च्यानणो (सेकावाटी नया नियम की पोथ्या)

⁸ जणा इब थारा करमाऊँ ओ बेरो पड़णो चाए क थे पाप करबो छोड दिआ हो। अर अंय्यां मना जताओ की म्हें अब्राहम की ओलाद हां। क्युं क म जाणू हूँ अर थारूँ बी बोलुँ हूँ परमेसर आ भाठाऊँ बी अब्राहम ताँई ओलाद पैदा कर सकै ह।

लूका 3:8 Referans Kwoze

भेजेड़ा चेला का काम 26:20

जणा म सऊँ पेली दमिसक पाछै यरूसलेम अर पाछै यहूदिआ का सगळा देसा का रेह्बाळा अर परमेसरनै नइ ध्यारबाळा मिनखानै समजातो रिह्यो क पापऊँ तौबा करो, परमेसर कानि आओ अर हियो बदलबा जोगो काम करो।

मत्ती 21:43

“इ ताँई म थारूँ खेऊँ हूँ, परमेसर को राज थारूँ खोस लिओ ज्यासी अर बा मिनखानै दे दिओ ज्यासी जखा बिकै खया गेल बरताव करै ह।

फलिपी 1:11

धारमिक्‍ता का चोखा लखणाऊँ थारो जीवन भरज्यावै, जखो परमेसर की मेमा अर जे-जैकार ताँई ईसु मसीऊँ मिलै ह।

रोमीयो 9:7

अर नइ अब्राहम की पिडी होबा की बजेऊँ बे अब्राहम की ओलाद हीं। पण जंय्यां परमेसर अब्राहमऊँ बोल्यो हो, “इसाकऊँई तेरो वंस चालसी।”

रोमीयो 4:16

जणा इऊँ आ बात साबित होवै ह क परमेसर को करार बिस्वास को फळ होवै ह जखो बिकी दयाऊँ मिलै ह। आई बजे ह क बिको करार अब्राहम की सगळी पिड्या प लागू होवै ह, खाली नेम-कायदा का नियमानै मानबाळा पई नइ पण बा सगळा प बी जखा अब्राहम की जंय्यां को बिस्वास राखीं हीं। बो आपणा सगळा को बाप ह।

लूका 19:40

बो बानै जुबाब दिओ, “ज अ चुप होज्यासी जणा भाठा चिला उठसी।”

यहून्ना 8:33

बे बोल्या, “म्हें तो अब्राहम का कूणबाऊँ हां अर म्हें कदैई कोईकाई गुलाम कोनी बण्या। जणा पाछै थे आ कय्यालै बोलो हो क, ‘थे अजाद होज्यास्यो?’”

यहून्ना 8:39

बे बिनै बोल्या, “म्हें अब्राहम की ओलाद हां।” जणा ईसु बोल्यो, “ज थे सचमई अब्राहम की ओलाद होता, जणा थे अब्राहम जंय्यांकाई करम करता।

मत्ती 3:8

थारा करमाऊँ ओ बेरो पड़णो चाए क थे थारा हियानै पाप का गेलाऊँ फेर लिआ हो।

मत्ती 3:9

अर थे थारा हिया म अंय्यां मना सोचो क म्हारो बाप अब्राहम ह इ ताँई परमेसर म्हानै कोनी दंडसी; क्युं क म थारूँ बोलुँ हूँ क परमेसर आ भाठाऊँ बी अब्राहम ताँई टाबर पैदा कर सकै ह।

लूका 5:21

जणा सास्तरी अर फरिसी आपसरी म बुजबा लाग्या क, “ओ पाप धोबाळो कूण होवै ह पाप तो परमेसरई धो सकै ह जणा ओ क्युं परमेसर की बुराई करै ह।”

लूका 13:25

जद घर को मालिक खड़्यो होर बारनो ढक लेसी, अर जणा थे बारनै खड़्या होर कुआड़ खुड़कास्यो अर गिड़गिड़ास्यो, ‘म्हराज, म्हारै ताँई कुआड़ खोल द्‍यो।’ पण बो थानै खेसी, ‘मनै कोनी बेरो थे कूण हो अर कठैऊँ आया हो।’

लूका 13:26

जणा थे खेस्यो, ‘म्हें तेरै सागै खाया-पीआ अर तू म्हारा गळिआरा म म्हानै सीख दिनी ही।’

लूका 14:9

अर थारै दोन्यानै नूतबाळो आर तेरूँ खेवै इनै अठै बेठबा दे। जणा तनै सरमऊँ आँख्या झुकार सऊँ निचली झघा म बेठणो पड़सी।

लूका 19:9

अत्ती सुणर ईसु बिनै बोल्यो, “इ कूणबा म आज छुटकारो आगो ह क्युं क ओ बिस्वास कर दिखा दिओ की ओ अब्राहम की ओलाद ह।