लूका 3:11 - जीवन को च्यानणो (सेकावाटी नया नियम की पोथ्या)

¹¹ बो बोल्यो, “जिकनै दो कुर्ता हीं बे बिकै सागै बाट ले जिकनै कोनी। अर जिकनै रोटी ह बो बी अंय्यांई करै।”

लूका 3:11 Referans Kwoze

1 यहून्ना 3:17

ज थारै मऊँ कोई मिनख सादन सम्पन होवै अर बिका बिस्वासी भाईड़ानै ख्या चिज की जुर्त होवै अर ज बो जुर्तमंद पाड़ोसी भाईड़ा प तरस नइ खावै जणा आपा कंय्यां खे सकां हां क बिकै मांयनै पिता-परमेसर को परेम ह?

1 तिमूतियूस 6:18

चोखा काम करबा ताँई बानै आदेस दे, जिऊँ बे चोखा काम करबाळा, दान देबाळा अर हियाऊँ देबाळा होवीं।

लूका 18:22

आ सुणर ईसु बिऊँ बोल्यो, “तेरै म हाल ताँई एक बात की कमी ह, तेरै कनै जोक्यु बी ह बिनै बेचर बिऊँ मिलेड़ा रिपीआनै गरीबा म बाट दे अर तू मेरै गेल होले इकै साटा को धन तनै ईस्बर नगरी म मिल ज्यासी।”

1 यहून्ना 4:20

अर ज आपा खेवां क, “म्हानै परमेसरऊँ परेम ह।” पण मेरा भाईऊँ नफरत ह जणा आपा झूठा हां, क्युं क जि पाड़ोसी भाईड़ानै आपा देखां हां बिऊँई परेम कोनी करां, जणा बि परमेसरऊँ जिनै कदै देख्याई कोनी कंय्यां परेम कर सकां हां?

याकूब 1:27

पण परमेसर अर परम-पिता की नजर्या म खरी अर पबितर भगती तो आ ह क अनाथ अर खाली होईड़ीनै बाकै दुख दरद म समाळै अर खुदनै इ दुनियादारीऊँ बेदाग राख।

लूका 11:41

पण जखो-क्युं मांयनै ह बिको दान कर द्‍यो, जिऊँ थारै ताँई सक्यु सुद होज्यासी।

मत्ती 25:40

जणा बो राजा खेसी, ‘म थारूँ सची बोलर्यो हूँ, जोक्यु बी थे थारा भोळा-ढाळा भाई-भाणा ताँई कर्या हो बो थे मेर ताँई कर्या हो।’

इबरानीआ 6:10

परमेसर अन्याय करबाळो कोनी। क्युं क थारा कामानै अर परमेसर का मिनखा की मदद कर जखो परेम थे बिका नामऊँ दिखाया अर दिखार्या हो बिनै परमेसर कदैई कोनी भूलै।

भेजेड़ा चेला का काम 10:31

अर बो मेरूँ बोलबा लाग्यो कुरनेलियुस तेरी अरदास अर दिन दुख्यानै दियड़ो तेरो दान परमेसर क कनै पुगगो ह अर बिनै बो बोळो चोखो लाग्यो ह।

भेजेड़ा चेला का काम 10:4

जणा कुरनेलियुस डरतोई बिकै कानि देखर बोल्यो, “ओ परबु काँई ह?” जणा बो बोल्यो, “तेरी अरदास अर दिन दुख्यानै दियड़ो तेरो दान परमेसर क कनै पुगगो ह अर बिनै बो बोळो चोखो लाग्यो ह।

भेजेड़ा चेला का काम 10:2

बो परमेसर को भगत हो जखो आपका पूरा परवार समेत ईस्बर को डर मानतो हो, बो सदाई गरीबानै दान दिआ करतो हो अर परमेसरऊँ अरदास कर्या करतो हो।

यहून्ना 13:29

यहूदा कनै रिपीआळी थेली रेह्ती ही, इ बजेऊँ क्युंक चेला सोच्या क ईसु बिनै इ बजेऊँ खेवै ह की बो जार त्युंहार ताँई बानै जखो चाए बिनै मोल लिआवै नहिस गरीबा म क्युं बाट देवै।

लूका 19:8

पण जक्कई ह जखो भापड़ो खड़्यो होर परबुऊँ बोल्यो, “ओ म्हराज मेर कनै जत्ती बी धन-दोलत ह बिको आदो म गरीबा म बाट देस्युँ अर ज बेईमानीऊँ कोई भाईड़ा को क्युं बी दाब लिओ हो जणा म बिको बिनै चोगुणो पाछो दे देस्युँ।”

इफिसुस 4:28

जखा चोरी करीं हीं बानै चोरी करनी छोडर भला कामा म मेनत कर खुद ताँई कमाणो चाए अर गरीबानै दान देणो चाए।

1 तिमूतियूस 6:17

जखा मिनख इ दुनिया म पिसाळा हीं बानै आदेस दे बे इपै गुमान नइ करै, पण बाकी आस, नास होबाळा धन की बजाय परमेसर म हो, जखो आपानै आपणा सुक ताँई सगळी चिजा देवै ह।

याकूब 2:14

मेरा लाडला बिस्वास्यो, ज कोई खेवै क मनै बिस्वास ह पण बो बिकै गेल करम कोनी करै जणा बिनै काँई फाईदो। अंय्यां को बिस्वास बिको छुटकारो कर सकै ह के?