लूका 23:4 - जीवन को च्यानणो (सेकावाटी नया नियम की पोथ्या)

⁴ जणा पीळातुस मिनखा अर परधान याजकऊँ बोल्यो, “मनै तो इ आदमी म क्युंई गळत कोनी दिखर्यो।”

लूका 23:4 Referans Kwoze

यहून्ना 18:38

पीळातुस बिऊँ बुज्यो, “सच काँई ह?” आ खेर बो ओज्यु यहूदि मिनखा क कनै बारनै गयो अर बाऊँ बोल्यो, “मनै इ मिनख म कोई खोट कोनी लाधी।

1 पतरस 2:22

“नइ तो बो पाप कर्यो, अर नइ मुंडाऊँ छळ की बात बोली।”

1 पतरस 1:19

पण थारो छुटकारो परमेसर का पबितर अर बेदाग उन्या मसी का लोयऊँ होयो ह, जिको मोल कोनी लगायो जा सकै।

लूका 23:22

पीळातुस तीसरका बोल्यो, “क्युं बो अंय्यां को कूणसो पाप कर्यो ह? जखो म इनै मोत की सजा द्‍युँ! क्युं क मनै तो इमै अंय्यां की कोई बुराई कोनी दिखी जणा फेर म इकै तड़ा लगवार छोड द्‍युँ।”

मरकुस 15:14

पीळातुस बाऊँ बोल्यो, “म इनै क्युं सुळी प चढाऊँ ओ लाई कूणसी बुराई करी ह।” पण बे मिनख बुर्यां करबा लाग्या, “इनै सुळी प चढा द्‍यो।”

1 पतरस 3:18

क्युं क मसी सगळा का पाप ताँई एकर मर्यो जखो धरमी होर बी पाप की बजेऊँ दुख भोग्यो जिऊँ आपानै परमेसरऊँ मिलावै। बो काया म मर्यो पण आत्मा म जीवायो गयो।

इबरानीआ 7:26

अर आपानै तो अंय्यां कोई म्हायाजक चाए हो जखो पबितर, निरदोस, पापी मिनखाऊँ न्यारो, सुद अर जिको ईस्बर नगरी म उचो पद हो।

मत्ती 27:19

अर जद पीळातुस न्यायहाळा सिंघासन प बेठ्यो हो जणा बिकी लूगाई बिकन एक संदेसो भेज्यो। जिमै मंडर्यो हो क, “सुआरैसिक म सूपना म इ मिनख की बजेऊँ बोळो दुख पाई हूँ। जणा इ धरमी मिनख क सागै क्युंई बुरो मना करज्यो।”

भेजेड़ा चेला का काम 3:13

अब्राहम, इसाक अर याकूब को परमेसर आपणा बाप-दादा को परमेसर अंय्यां कर आपका दास ईसु की मेमा करी ह। जिनै थे अधिकार्यानै पकड़ा दिआ अर जद पीळातुस बिनै छोडबो चातो हो, पण थे बिनै तज दिओ।

भेजेड़ा चेला का काम 25:25

पण म इमै मार्या जाबा जोगी क्युंई बुराई कोनी देखी। अर जंय्यां की ओ खुदई रोम का राजा की सुणाई ताँई दरखास्त करी, जणा म इनै बाकन भेजबा को फेसलो कर्यो।