लूका 23:2 - जीवन को च्यानणो (सेकावाटी नया नियम की पोथ्या)

² बे बिपै बलेम लगाया, “म्हें इनै यहूदि मिनखानै भंगराता पकड़्या हां क समराटनै लगान नइ देणो चाए अर ओ खुदनै मसी राजा बतावै ह।”

लूका 23:2 Referans Kwoze

यहून्ना 19:12

आ सुणर पीळातुस बिनै छोडबा को जुगाड़ ढुंढबा लाग्यो पण यहूदि नेता चिलाया, “ज तू इनै छोडसी, जणा तू रोम का राजा को भाईलो कोनी अर जखो बी खुद राजा होबा को दावो करै ह, बो रोमी समराट को बिरोदि ह।”

लूका 23:14

बाऊँ बोल्यो, “थे इ आदमीनै, मिनखानै भंगराबा का जुरम म मेरै कनै ल्याया। अर म थारै सामैई, इ बात की जाच पड़ताळ करी पण म बिमै अंय्यां की कोई बातई कोनी पकड़ी।

भेजेड़ा चेला का काम 24:5

ओ मिनख अपरादि ह अर म्हें इनै जगत का सगळा यहूदिआ म बबाळ मचाता देख्या हा, अर ओ नासरी पंथ को खास नेता ह।

यहून्ना 18:30

जणा बे जुबाब दिआ, “ज ओ क्युंई अपराद नइ कर्यो होतो जणा म्हें इनै अठै कोनी ल्याता।”

मरकुस 12:17

ईसु बाकी इ बातनै सुणर बोल्यो, “जखो कैसर को ह बो कैसरनै द्‍यो अर जखो परमेसर को ह बो परमेसरनै द्‍यो।” बे ईसु की इ बातनै सुणर ताजूब म पड़गा।

मत्ती 22:21

बे बोल्या, “रोम का समराट को” जणा ईसु बोल्यो, “जखो समराट को ह बो समराटनै द्‍यो अर जखो परमेसर को ह बो परमेसरनै द्‍यो।”

भेजेड़ा चेला का काम 24:13

अर बे बा बातानै जखी बे मेरै माथा मंढी ह, बानै तेरै सामै सच साबित कोनी कर सकै ह।

लूका 23:5

पण बे आपकी बात प अड़्या रिह्या, “नइ ओ गलिल दिसावरऊँ लेर सगळा यहूदिआ दिसावर अर अठै का मिनखानै आपकी सीखऊँ भड़कायो ह।”

मत्ती 17:27

पण आपा आको अपमान कोनी करां इ ताँई दरिआव क किनारै काँटो गेर अर जखी पेली मछी हात आवै बिको मुंडो पा'ड़र देखजे तनै बिकै मुंडा म एक सीक्को मिलसी। बिनै तेरै अर मेरै ताँई कर म दे दिजे।”

मत्ती 27:11

ईसुनै बे राजपाल पीळातुस क सामै लेग्या अर बो बिऊँ बुज्यो, “के तू यहूदिआ को राजा ह?” ईसु बोल्यो, “हाँ म हूँ जंय्यां थे बोल्या हो।”

मरकुस 15:2

पीळातुस ईसुऊँ बुज्यो, “तू यहूदिआ को राजा ह के?” ईसु बिनै खयो, “तू खुदई तो बोलै ह।”

यहून्ना 18:29

जणा पीळातुस बारनै आर बाऊँ बोल्यो, “ओ काँई अपराद कर्यो ह?”

रोमीयो 13:7

कोईकी उधारी ह जणा बिनै चुकतो कर दे, अर जखो कर जिनै देणो ह बिनै दे। अर चुंगी लेबाळानै चुंगी दे। जिऊँ डरबो चाए बिऊँ डर अर जिको मान करबो चाए बिको मान कर।