लूका 22:8 - जीवन को च्यानणो (सेकावाटी नया नियम की पोथ्या)

⁸ जणा बो पतरस अर यहून्नानै बोल्यो, “जार आपणा ताँई फसै की रोटी बणाओ।”

लूका 22:8 Referans Kwoze

भेजेड़ा चेला का काम 8:14

अर जद ईसु का भेजेड़ा चेलानै ओ बेरो पड़्यो क सामरीया का रेह्बाळा परमेसर का बचनानै मानबा लागगा हीं जणा बे पतरस अर यहून्नानै बाकन भेज्या।

भेजेड़ा चेला का काम 4:19

पण पतरस अर यहून्ना बानै जुबाब दिओ, “इ बात को थेई न्याय करो क परमेसर की नजर्या म काँई चोखो रेह्सी थारी बात मानबो नहिस परमेसर की?

भेजेड़ा चेला का काम 4:13

जद पंचानै ओ बेरो पड़्यो क पतरस अर यहून्ना दोन्यु कम पढ्या-लिख्या आम आदमी हीं जणा बे बाकी हिमत देखर ताजूब म पड़गा। अर पाछै बानै बेरो पड़्यो क अ दोन्यु ईसु क सागै रेह्ता हा।

भेजेड़ा चेला का काम 3:11

अर बो पतरस अर यहून्ना को हात पकड़्या बाकै सागै हो, जणा लोग ताजूब कर बाकन भागर आया अर बि दरूजा क कनै भेळा होगा जिनै सुलेमान को दरूजो बोल्या करता हा।

भेजेड़ा चेला का काम 3:1

पतरस अर यहून्ना दोपारा क तीन बजै मनदर म अरदास करबा ताँई जार्या हा।

लूका 1:6

परमेसर की नजर्या म बे दोन्युई धरमी हा अर बे परबु का सगळा हुकमानै मानबा म खरा हा।

मत्ती 3:15

ईसु बिनै अंय्यां ओडायो, “इब तो अंय्यांई होबा दे, क्युं क जखी परमेसर चावै ह बोई आपानै करनो ह।” जणा बो बिकी बात मान लिनी।

लूका 22:9

बे कह्या, “आ कठै बणाणी ह।”

भेजेड़ा चेला का काम 3:3

बो जद पतरस अर यहून्नानै मनदर क मांयनै जाता देख्यो। जणा बो बाऊँ क्युं मिलबा की आस म बाकै सामै हात फिलाया।

गलातियो 2:9

अर जद याकूब, केफा अर यहून्ना जखा बिस्वासी मंडळी का खम्बा समज्या जाता हा, बे आ जाणग्या की ओ चोखो समचार परबु की दयाऊँ मिल्यो ह। जणा बे बरनाबास अर मेरै सागै संगती को हात मिला लिआ। अर बे राजी होगा की म्हें गैर-यहूदि मिनखानै चोखो समचार सुणाता रेह्‍वां अर बे खुद यहूदि मिनखानै सुणाता रेह्‍वै।