लूका 22:70 - जीवन को च्यानणो (सेकावाटी नया नियम की पोथ्या)

⁷⁰ बे सगळा कह्या, “जणा के तू परमेसर को बेटो ह?” ईसु बोल्यो, “जंय्यां की थे खुद खेर्या हो, क बो म हूँ।”

लूका 22:70 Referans Kwoze

लूका 23:3

जणा पीळातुस बिऊँ बुज्यो, “तू यहूदिआ को राजा ह के?” ईसु बोल्यो, “जंय्यां तू खुदई खेर्यो ह।”

मरकुस 15:2

पीळातुस ईसुऊँ बुज्यो, “तू यहूदिआ को राजा ह के?” ईसु बिनै खयो, “तू खुदई तो बोलै ह।”

मत्ती 27:11

ईसुनै बे राजपाल पीळातुस क सामै लेग्या अर बो बिऊँ बुज्यो, “के तू यहूदिआ को राजा ह?” ईसु बोल्यो, “हाँ म हूँ जंय्यां थे बोल्या हो।”

मत्ती 26:64

ईसु बोल्यो, “हाँ जंय्यां थे बोलो हो म बोई हूँ। अर थे मिनख का बेटानै सऊँ सक्‍तिसाली परमेसर क दाया हात बेठर राज करता देखस्यो। अर थे मनै ईस्बर नगरीऊँ बादळा मऊँ आतो बी देखस्यो।”

यहून्ना 19:7

यहूदि मिनख बिऊँ बोल्या, “म्हारै नियमा गेल इनै मार देणो चाए, क्युं क ओ परमेसर को बेटो होबा को दावो कर्यो ह।”

यहून्ना 18:37

इपै पीळातुस बिऊँ बोल्यो, “इको मतबल तू राजा ह के?” ईसु बोल्यो, “तू बोलै ह क म राजा हूँ। म सच की गुवाई देबा ताँई इ धरती प जलम्यो अर आयो हूँ। जखा बी सचा ह बे मेरा बचन सुणै ह।”

यहून्ना 10:36

जद म अंय्यां खयो क म परमेसर को बेटो हूँ, जणा थे क्युं खया म परमेसर की बुराई करूं हूँ। मनै टाळर इ जगत म भेजबाळो परम-पिताई तो ह।

यहून्ना 10:30

म अर मेरो परम-पिता एकई हां।”

यहून्ना 1:49

नतनएल बिऊँ बोल्यो, “गरूजी थे परमेसर का बेटा हो, थे इजरायल का राजा हो।”

यहून्ना 1:34

म आ बातानै होता देखी, जणाई गुवाई देऊँ हूँ क ओई परमेसर को बेटो ह।”

लूका 4:41

अर बामैऊँ घणकराक मऊँ ओपरी बलाय अंय्यां चिलाटी मारती निकळगी क, “तू परमेसर को बेटो ह।” पण ईसु बानै दकालतो अर बोलबा कोनी देतो, क्युं क बे जाणती ही की ओ मसी ह।

मरकुस 14:62

ईसु बोल्यो, “हाँ म बोई हूँ अर थे मिनख का बेटानै सऊँ सक्‍तिसाली परमेसर क दाया हात बेठ्यो अर अकास म बादळा क सागै आतो देखस्यो।”

मत्ती 27:54

रोमी सेना को सुबेदार अर ईसु क पेरो देबाळा मिनख भूचाळ अर जखो बठै घट्यो हो बिनै देखर डरग्या। अर खया, “ओ सचमई परमेसर को बेटो हो।”

मत्ती 27:43

ओ बोळो परमेसर प बिस्वास कर्या करतो हो। ओ खेतो हो क म परमेसर को बेटो हूँ जणा ज परमेसर चावै तो इनै बचावै।”

मत्ती 4:3

जणा बिचास्बाळो सेतान बिकन आर ओडायो, “ज तू परमेसर को बेटो ह जणा आ भाठाऊँ बोल क रोटी बण जावै।”

मत्ती 3:17

जणा अकासऊँ हेलो आयो, “ओ मेरो लाडलो बेटो ह, जिऊँ म बोळो राजी हूँ।”

मत्ती 26:25

जणा बिनै धोकाऊँ पकड़ाबाळो यहूदा बोल्यो, “हे गरूजी बो म हूँ के?” ईसु बोल्यो, “हाँ अंय्यांई जंय्यां तू बोल्यो ह।”

लूका 22:71

जणा बे कह्या, “आपानै ओर सबूत की कोई जुर्त कोनी क्युं क आपा अ बात तो इकै मुंडाऊँई सुण लिआ हां।”