लूका 22:42 - जीवन को च्यानणो (सेकावाटी नया नियम की पोथ्या)

⁴² “परम-पिता ज थे चाओ तो इ दुख का कचोळाऊँ मनै बचा सको हो, पण मेरी नइ थारी इंछ्या पूरी होणी चाए।”

लूका 22:42 Referans Kwoze

मत्ती 26:39

इकै पाछै ईसु बठैऊँ चिनोसोक दूर जार धरती प मोदो पसर अरदास करबा लाग्यो, “मेरा परम-पिता ज आ हो सकै तो मनै इ पिड़ा म मना गेरो पण म चाऊँ जंय्यां नइ पण थे चाओ बंय्यांई होवै।”

मत्ती 26:42

अर ईसु दुसरकै अरदास करबा ताँई चलेगो अर अरदास म खयो, “परम-पिता ज मेरो दुख भोगबो जरूरी ह जणा थे जखो चाओ हो बोई मेरै सागै होवै।”

मरकुस 14:36

अर बो बोलबा लाग्यो, “अब्बा ओ परम-पिता थारै ताँई क्युंई ओखो कोनी। इ दुख का कचोळानै मेरूँ नाकै कर दे, पण जंय्यां म चाऊँ बंय्यां नइ हो पण जंय्यां तू चावै बंय्यांई होवै।”

यहून्ना 18:11

जणा ईसु पतरसऊँ बोल्यो, “तेरी तलवारनै म्यान म घाल ले! के म पिड़ा को बो प्यालो कोनी पीऊँ जखो मेरो परम-पिता मनै दिओ ह?”

मत्ती 20:22

ईसु बोल्यो, “थे कोनी जाणो थे काँई माँगो हो? म जखी पिड़ा भोगबाळो हूँ, थे बिनै भोग सको हो के?” बे बोल्या, “हाँ भोग सकां हां।”

यहून्ना 5:30

म खुदऊँ क्युंई कोनी कर सकूँ। जंय्यां म सुणू हूँ, बंय्यांई न्याय करूं हूँ। मेरो न्याय सचो ह, क्युं क म मेरी कोनी पण मनै भेजबाळा की मन की चाऊँ हूँ।

यहून्ना 6:38

क्युं क म मेरी इंछ्या नइ पण मनै भेजबाळा की इंछ्यानै पूरी करबा ताँई ईस्बर नगरीऊँ धरती प उतर्यो हूँ।

यहून्ना 4:34

ईसु बाऊँ बोल्यो, “मेरी रोटी आ ह क, म मेरा भेजबाळा की इंछ्या मानू अर बिको काम पूरो करूं।

मत्ती 26:44

बो बानै छोडर ओज्यु गयो। अर जंय्यां पेल्या अरदास करी बंय्यांई बोलर बो तीसरकै बी अरदास करी।

मत्ती 6:10

थारो राज आवै। जंय्यां थारी इंछ्या ईस्बर नगरी म पूरी होवै ह बंय्यांई धरती प बी होवै।

मत्ती 11:25

बठैई ईसु बोल्यो “ओ परम-पिता ईस्बर नगरी अर धरती का मालिक म तेरो गुणगान करूं की तू आ बातानै ज्ञान्याऊँ अर स्याणाऊँ लखोर राखी अर गुठा छाप प आका भेदानै खोल्या।

मत्ती 11:26

क्युं क ओ थारी नजर्या म चोखो हो।

लूका 23:34

इपै ईसु बोल्यो, “परम-पिता आनै माफ कर द्‍यो क्युं क आनै कोनी बेरो क अ काँई कर्या हीं।” अर बे सिपाईड़ा पासो फेकर बिका गाबानै आपसरी म बाट लिआ।

भेजेड़ा चेला का काम 21:14

अर जद बो कोनी मान्यो जणा म्हें अंय्यां खेर क, “परबु की इंछ्या पूरी होवै” चुप होगा।