लूका 22:2 - जीवन को च्यानणो (सेकावाटी नया नियम की पोथ्या)

² अर परधान याजक अर सास्तरी इ फिराक म रेह्बा लाग्या क बिनै कंय्यांसिक मारां क्युं क बे मिनखाऊँ डरता हा।

लूका 22:2 Referans Kwoze

यहून्ना 11:57

परधान याजक अर फरिसी आदेस काड दिआ हीं क, ज कोई आ जाणै क ईसु कठै ह, जणा बिको समचार दे, जिऊँ बे बिनै पकड़ सकै।

लूका 20:19

बि घड़ीई सास्तरनै सीखाबाळा अर परधान याजक बिनै पकड़बो चावा हा। क्युं क बे समजगा हा की बो आ बात म्हारै प बोली ह, पण बे मिनखाऊँ डरता।

मत्ती 12:14

जणा बे फरिसी बठैऊँ चलेग्या अर ईसुनै कंय्यांसिक मारां इकी साजिस रचबा लाग्या।

भेजेड़ा चेला का काम 4:27

सचमई थारा अभिसेक करेड़ा पबितर दास ईसु क खिलाप हेरोद अर पिन्तुस को पीळातुस इ नगरी क मांय इजरायल का मिनखा अर गैर-यहूदिआ क सागै कांदाऊँ कांदो मिलार खड़्या होगा।

मत्ती 21:38

पण जद बे ठेकेदार बिका बेटानै देख्या जणा आपसरी म खेबा लाग्या, ‘ओ तो बिको वारिस ह, आओ इनै मारद्‍यां अर इकी जायजादनै हड़पल्यां।’

मत्ती 26:2

“थानै बेरो ह दो दिना क पाछै फसै को त्युंहार ह। अर मिनख को बेटो धोकाऊँ सुळी प चढाबा ताँई पकड़ायो जासी।”

मरकुस 14:1

दो दिना क पाछै फसै को त्युंहार अर बिना खमिर की रोटी को त्युंहार आबाळो हो। परधान याजक अर सास्तरी ईसुनै धोकाऊँ पकड़र मारबा की साजिस घड़र्या हा।