लूका 20:16 - जीवन को च्यानणो (सेकावाटी नया नियम की पोथ्या)

¹⁶ बो आर बा ठेकेदारानै मार अँगूरा को बाग दुसरानै समाळबा ताँई दे देसी।” आ बात सुण बे बोल्या, “अंय्यां कदैई नइ हो।”

लूका 20:16 Referans Kwoze

लूका 19:27

अर बे जखा मेरा बेरी हीं जखा मनै, इ राजगद्दि प बेठ्यो कोनी देख सकै बानै मेरै सामै ल्यार बाका सीर धड़ऊँ नाकै कर द्‍यो।’”

भेजेड़ा चेला का काम 13:46

जणा पोलुस अर बरनाबास हिमत कर बोल्या, “ओ जरूरी हो क परमेसर को बचन सऊँ पेली थानै सुणायो जावै पण थे इनै थारूँ दूर कर्या अर खुदनै अजर-अमर जीवन को भागी कोनी मान्या जणा इब म्हें गैर-यहूदिआ क कनै जावां हां।

मत्ती 21:41

जणा बे ईसुऊँ बोल्या, “बे कुटिचर हा इ ताँई बो बानै बेरहमीऊँ मारसी अर अँगूरा को बाग दुसरानै ठेका प दे देसी जखा बिनै अँगूरा की रुत म बिकी पाँती दे।”

मत्ती 22:7

अर जद राजानै इ बात को बेरो चाल्यो जणा बो झाळ्या म भरगो अर आपका सिपाईड़ानै भेजर बा कुटिचर मिनखानै मरवा दिओ अर बाकी नगरी म आग लगवा दिनी।

मत्ती 21:34

अर जद अँगूर लागबा की रुत आई जणा बो मालिक ठेकेदारा कनै आपका दासानै अधिकार क सागै भेज्यो क बे अँगूरा को हिस्सो लेर आवै।

मरकुस 12:9

इ बातनै सुणर अँगूरा का बाग को मालिक बा किसाना क सागै काँई करसी?” बो बठै ज्यासी अर बा किसानानै मारसी अर अँगूरा को बाग दुसरा किसानानै दे देसी।

लूका 20:15

अर बे बिनै अँगूरा का बागऊँ बारनै का'डर मार गेर्या।” जणा ईसु बाऊँ बुज्यो, “इब बाग को मालिक बाकै सागै काँई करसी?

रोमीयो 3:4

नइ, अंय्यां कोनी, ज सगळा मिनख झूठा होवै जणा बी परमेसर सचोई ह। जंय्यां क मंडर्यो ह: “जिऊँ तू तेरी बाता म धरमी होवै, अर जद न्याय करै जणा तेरी जे हो।”

रोमीयो 3:6

नइ, अंय्यां कोनी, ज अंय्यां की बात ह जणा परमेसर जगत का मिनखा को न्याय कंय्यां कर सकै ह?

रोमीयो 3:31

जणा के म्हें बिस्वास क जरिए नेम-कायदानै मानबो बंद कर दिओ? नइ, अंय्यां कोनी! पण नेम-कायदानै थाम राख्या हां।

रोमीयो 6:2

कदैई नइ, आपा जखा पाप ताँई मरगा हां, पाप म कंय्यां जिस्यां?

रोमीयो 6:15

आपा नेम-कायदा क साराऊँ कोनी जीवां, पण परमेसर की दया म जीवां हां। जणा आपा काँई करां? के आपा पाप करां? नइ, कदैई नइ।

रोमीयो 7:7

जणा आपा काँई बोलां? के नेम-कायदा पाप ह? पक्काई नेम-कायदा पाप कोनी। क्युंबी हो नेम-कायदो नइ होतो जणा म जाणतोई कोनी क पाप काँई होवै ह। ज नेम-कायदो आ कोनी बतातो क लालच मना करो जणा सचमई म जाणतोई कोनी क लालच काँई ह।

रोमीयो 7:13

जणा पाछै इको काँई मतबल होयो क जखो चोखो ह बोई मेरी मोत की बजे बण्यो? नइ, कदैई नइ! पण पाप बि चोखा क जरिए मेरी मोत की बजे इ ताँई बण्यो क पापनै पिछाण्यो जा सकै जिऊँ नेम-कायदा का हुकम क जरिए पाप ओर बी बढगो।

रोमीयो 9:14

जणा आपा काँई बोलां? के परमेसर अन्यायी ह? नइ, अंय्यां कोनी!

रोमीयो 11:1

जणा म बुजूँ हूँ, “के परमेसर आपका मिनखानै तज दिओ?” नइ, अंय्यां कोनी। क्युं क म बी अब्राहम का बंस अर बिन्यामीन का गोत को इजरायली हूँ।

रोमीयो 11:11

जणा म बुजूँ हूँ, के बे इ ताँई ठोकर खाया क बे नास होज्यावीं? नइ, पण बाकै गळती करबाऊँ गैर-यहूदि मिनखानै छुटकारो मिल्यो। जिऊँ यहूदि मिनखा क मना म होड पैदा होवै।

1 कुरन्थीयो 6:15

के थे जाणो हो थारी काया परबु ईसुऊँ जुड़ेड़ी ह? जणा पाछै म आ अंगानै जखा मसी का हीं, आनै रांड का अंग कोनी बणबा द्‍युँ।

गलातियो 2:17

अर ज आपा मसी म धरमी होबो चावां हां, अर बिधी-बिधान आपानै पापी बतावै, जणा के मसी पाप को सेवक कोनी? पक्काई बो कोनी।

गलातियो 3:21

के जणा नेम-कायदा परमेसर का करेड़ा करार क खिलाप ह? अंय्यां पक्काई कोनी! क्युं क ज नियमानै मानबा की बजेऊँ परमेसरऊँ आपानै जीवन मिलतो, जणा सचमई नेम-कायदाऊँ पाप धुप जाता।

गलातियो 6:14

पण परबु ईसु मसी जखो सुळी प मर्यो, मनै आ बाता क अलावा ओर कोई बात पई गुमान कोनी। अर म जगत ताँई अर जगत मेरै ताँई सुळी प मरग्यो ह।