लूका 2:9 - जीवन को च्यानणो (सेकावाटी नया नियम की पोथ्या)

⁹ अर परबु को एक ईस्बर नगरी दुत बाकै सारै आर खड़्यो होगो अर बाकै च्यारूमेर परबु की मेमा को तेज चमक्यो जिऊँ बे डर क मारै धुजबा लागगा।

लूका 2:9 Referans Kwoze

2 कुरन्थीयो 3:18

इ ताँई आपणा मुंडा ढकेड़ा कोनी। बे परबु की मेमा का तेजनै दरसावीं हीं अर पबितर आत्मा आपानै होळ्या-होळ्या आपणा मेमाभर्या परबु की जंय्यां बणावै ह।

दरसाव 18:1

इकै पाछै म एक ओर ईस्बर नगरी दुतनै ईस्बर नगरीऊँ तळै उतरता देख्यो। जिकै कनै बडो अधिकार हो, बिकै मांयनै अंय्यां को मेमा को तेज हो जिऊँ सगळी धरती प च्यानणो होगो हो।

भेजेड़ा चेला का काम 27:23

क्युं क बिती रात बि परमेसर को ईस्बर नगरी दुत जि परमेसर को म हूँ अर जिकी म भगती करूं हूँ मेर कनै आयो अर बोल्यो,

भेजेड़ा चेला का काम 5:19

पण जंय्यांई रात होई जणा ईस्बर नगरी दुत आर बि कोठड़ी का कुआड़ानै खोल दिओ अर बा भेजेड़ा चेलानै बारनै लेज्यार बाऊँ बोल्यो,

यहून्ना 12:41

यसाया अंय्यां इ ताँई बोल्यो हो, क्युं क बो ईसु की मेमा देख लिओ हो, अर बिकै बारां म बोल्यो।

लूका 24:4

बे खड़ी-खड़ी सोचबा लागी क, “ईसु की लास कठै गई,” अत्ती बारां मई बाकन दो आदमी आर खड़्या होगा जाका गाबा भळका मारै हा।

दरसाव 20:11

इकै पाछै म बडोसारो धोळो सिंघासन अर बिकै उपर जखो बेठ्यो हो बिनै देख्यो। बिकै सामैऊँ आसमान अर धरती भाग छुट्या अर बाको नामो निसानई कोनी रिह्यो।

इबरानीआ 12:21

अर बो नजारो अत्तो डरावनो हो क मूसा बी बोल्यो, “मेरै डर क मारै धुजणी छुटरी ह।”

1 तिमूतियूस 3:16

कोई कोनी नट सकै क, भगती को भेद कंय्यां को म्हान ह, बो जखो मिनख जूण म परगट होयो, पबितर आत्मा जिनै धरमी बतायो, अर ईस्बर नगरी दुत जिनै देख्या, देस-देस म बिको परचार कर्यो गयो, जगत म बिपै बिस्वास कर्यो गयो, अर ईस्बर नगरी म उठा लिओ गयो।

2 कुरन्थीयो 4:6

क्युं क बो परमेसरई ह जखो बोल्यो क, “अँधेरा म च्यानणो हो” अर बोई म्हारा हिया म होयो, जिऊँ म्हानै ईसु मसी म परमेसर की मेमा की ज्ञान को च्यानणो मिल सकै।

भेजेड़ा चेला का काम 12:7

अर बठै चाणचुकई के होयो क परबु को एक ईस्बर नगरी दुत बि कोठड़ी म परगट होयो। जिऊँ बि कोठड़ी म जोरको च्यानणो होगो अर बो पतरस की पासड़्या प हात धर बिनै जगार बोल्यो, “बेगोसो खड़्यो हो।” अत्ता मई बिकै हातऊँ साँकळा खुलर पड़गी।

लूका 1:28

ईस्बर नगरी दुत बिकन आर बोल्यो, “राजी रेह, थार प परबु की म्हेर होई ह अर बे थारै सागै ह।”

मत्ती 1:20

युसूफ बा बाता क बारां म सोचर्योई हो क परबु को ईस्बर नगरी दुत युसूफ क सपना म आर बोल्यो, “युसूफ! दाऊद का बेटा, तू मरीयमनै ब्यार ल्याबा म मना डर, क्युं क जखो बिकै पेट म ह बो मिनखऊँ कोनी पण पबितर आत्मा की सक्‍तिऊँ ह।

लूका 2:8

अर रातनै बि इलाका की रोई म गुवाळ्या आप-आपका रेवड़ा की रूखाळी करर्या हा।