लूका 2:49 - जीवन को च्यानणो (सेकावाटी नया नियम की पोथ्या)

⁴⁹ जणा ईसु बाऊँ बोल्यो, “थे मनै क्याले ढुंढा हा? थानै बेरो कोनी के? मनै मेरा परम-पिता क घरा होणोई ह।”

लूका 2:49 Referans Kwoze

यहून्ना 6:38

क्युं क म मेरी इंछ्या नइ पण मनै भेजबाळा की इंछ्यानै पूरी करबा ताँई ईस्बर नगरीऊँ धरती प उतर्यो हूँ।

यहून्ना 8:29

अर जखो मनै भेज्यो ह बो मेरै सागै ह। बो मनै ऐकलो कोनी छोडै, क्युं क म सदाई बोई करूं हूँ, जखो बिनै राजी करै ह।”

यहून्ना 4:34

ईसु बाऊँ बोल्यो, “मेरी रोटी आ ह क, म मेरा भेजबाळा की इंछ्या मानू अर बिको काम पूरो करूं।

लूका 2:48

बिका माँ-बाप बिनै देखर भोचंगा होगा अर बिकी माँ बिऊँ बोली, “मेरा लाल तू म्हारै म आ काँई करी? तेरो बापू अर म तनै ढुंढता-ढुंढता हिरान होगा।”

यहून्ना 5:17

पण ईसु बानै जुबाब दिओ, “मेरो परम-पिता कदैई काम करनो बंद कोनी करै, इ ताँई म बी काम करर्यो हूँ।”

मत्ती 21:12

ईसु मनदर म गयो अर बठै जत्ताबी बेचबाळा अर खरीदबाळा हा, बानै बठैऊँ बारनै काडबा लाग्यो। बो रिपीआ को लेणदेण करबाळा का पाटियानै बगा दिओ अर कबूतर बेचबाळा का तक्‍तानै उंदो कर दिओ।

यहून्ना 9:4

आ जरूरी ह क जखो मनै भेज्यो, बिका काम आपा दिन-दिनऊँ करल्या क्युं क रात होबाळी ह जद कोई काम कोनी करसी।

यहून्ना 5:36

“पण मेरै कनै एक ओर गुवा ह, जिकी गुवाई यहून्ना की गुवाईऊँ बढर ह। क्युं क परम-पिता जखो काम मनै करबा ताँई सूप्यो ह, जखा काम म करूं हूँ। बेई मेरै बारां म गुवाई देवीं ही क, परम-पिता मनै भेज्यो ह।