लूका 2:14 - जीवन को च्यानणो (सेकावाटी नया नियम की पोथ्या)

¹⁴ क, “ईस्बर नगरी म परमेसर की जे-जैकार हो अर धरती प बा मिनखानै स्यांती मिलै जिऊँ बो राजी ह।”

लूका 2:14 Referans Kwoze

रोमीयो 5:1

आपा बिस्वास की बजेऊँ धरमी होगा हां, इ ताँई परबु ईसु मसी क जरिए आपणो मेळमिलाप परमेसरऊँ ह।

लूका 19:38

बे जोर-जोरऊँ कह्या, “धने ह बो राजा जखो परबु क नामऊँ आवै। ईस्बर नगरी म स्यांती अर परमेसर की जे-जैकार होवै।”

कलुसीयो 1:20

अर बिऊँई परमेसर सगळा ब्रह्माण्डऊँ मेळमिलाप करबो चायो, बा सगळाऊँ बी जखा ईस्बर नगरी अर धरती का ह। बिकाळा लोयऊँई परमेसर मेळमिलाप करवायो जिनै मसी सुळी उपर बहायो हो।

लूका 1:79

जिऊँ बो च्यानणो मोत की छाया म सोबाळा अर अँधकार म जिबाळा प चमकसी अर आपानै स्यांती म लेज्यासी।”

दरसाव 5:13

बिकै पाछै म ईस्बर नगरी अर धरती की, धरती तळै की, अर समदर की सगळी रचना अर ब्रह्माण्ड का सगळा पराण्या की उवाज सुणी, बे अंय्यां बोलर्या हा, “जखो सिंघासन प बेठ्यो ह बिकी अर उन्या की, मेमा, ईज्जत, धनेवाद अर बिको राजपाट जुग-जुग रेह्‍वै।”

भेजेड़ा चेला का काम 10:36

परमेसर इजरायली मिनखानै चोखा समचार को संदेस दिओ क ईसु मसीऊँ थानै स्यांती मिलसी। जखो सगळा को परबु ह।

यहून्ना 17:4

जोक्यु थे मनै करबा ताँई इ धरती प सूप्या हा, बे सगळा काम कर म थारी मेमा करी ह।

2 थिसलूनिकी 2:16

आपणो परबु ईसु मसी खुदई अर आपणो परम-पिता परमेसर जखो आपणाऊँ परेम करै ह अर जखो आपानै आपकी दयाऊँ जुग-जुग ताँई हिमत बंधवाई ह अर आस दिनी ह,

फलिपी 2:11

अर परम-पिता परमेसर की मेमा करबा ताँई हरेक खुदकी जबानऊँ मानिंगा क ईसु मसीई परबु ह।

लूका 3:22

अर पबितर आत्मा कबूतर की काया को रूप लेर बिपै उतर्यो, जणा अकासऊँ हेलो आयो “तू मेरो लाडलो बेटो ह, म तेरूँ बोळो राजी हूँ।”

मत्ती 21:9

अर जखा मिनख बाकै आगै-पिछै चालर्या हा बे जोर-जोरऊँ खेर्या हा; “दाऊद का बेटा की जे हो! परबु क नामऊँ आबाळो धने ह। ईस्बर नगरी म रेह्बाळा की जे हो।”

इफिसुस 1:9

परमेसर बोई कर्यो जखो बिको मकसद हो, अर बो बि भेदनै आपानै बतायो जिनै मसीऊँ पूरो करबा ताँई बो पेल्याऊँई ध्यार राख्यो हो।

इफिसुस 1:6

परमेसर की मेमाभरी दया ताँई बिकी जे-जैकार होवै, जखी बिका लाडला बेटा म आपानै सितमित म मिली ह!

फलिपी 2:13

क्युं क बो परमेसरई ह जखो थारै म काम करै ह, अर बोई थानै बिका मकसदनै पूरो करबा की इंछ्या अर सक्‍ति देवै ह।

इफिसुस 2:7

ओ उपकार जखो बो मसी ईसु म आपणा प दिखायो ह, बि दया क जरिए बो आबाळा जुग-जुग का मिनखानै बिका उपकार की बोळी मुकळाईनै दिखाबो चावै ह, जिकी कोई होड कोनी कर सकै।

इफिसुस 2:4

पण परमेसर की दया अपरम्पार, अर आपणा ताँई बिको प्यार-परेम बोळो बडो ह।

यहून्ना 14:27

थानै चिंत्या अर डरबा की जुर्त कोनी, क्युं क म थानै स्यांती देस्युँ। आ इ दुनिया की स्यांती की जंय्यां की कोनी, आ बा स्यांती ह, जखी मई दे सकूँ हूँ।

यहून्ना 3:16

“क्युं क परमेसर जगत का मिनखाऊँ अंय्यां को परेम कर्यो, जिकै चलतै बो आपको इकलोतो बेटो दे दिओ। जिऊँ जखो बी बिपै बिस्वास करै बो नास नइ होवै पण अजर-अमर जीवन पावै।

लूका 2:13

अत्ता मई बठै ईस्बर नगरी दुत क सागै ईस्बर नगरी दुता की भीड़ की भीड़ परगट होई अर अंय्यां बोलर परमेसर को गुणगान करबा लागी

लूका 2:15

जद बे ईस्बर नगरी दुत बठैऊँ ओटा ईस्बर नगरी चलेग्या जणा बे गुवाळ्या आपसरी म बतळाया क, “आओ क्युंनै आपा इ बातनै बेतलम चालर देखां जखी आपानै परबु बताई ह।”