लूका 19:13 - जीवन को च्यानणो (सेकावाटी नया नियम की पोथ्या)

¹³ जाबाऊँ पेल्या बो आपका दस दासानै बुलाया, अर बुलार बानै एक-एक सोना की म्होर दिनी अर बोल्यो, ‘म जि दिन ताँई पाछो नइ आऊँ बि दिन ताँई आऊँ लेणदेण करज्यो।’

लूका 19:13 Referans Kwoze

यहून्ना 12:26

जखो बी मेरी सेवा करबो चावै ह, बिनै मेरै गेल चालनो पड़सी जिऊँ क मेरा दास मेरै सागैई रेह्‍वै। जखो मेरी सेवा करसी, बानै मेरो परम-पिता मान देसी।

2 पतरस 1:1

म, समोन जिको नाम पतरस बी ह, जखो परबु ईसु मसी को दास अर भेजेड़ो चेलो हूँ। आ चिठी बा मिनखानै मांडूँ हूँ जखा आपणा परमेसर अर छुटकारो देबाळा ईसु मसी की धारमिक्‍ता की बजेऊँ आपणी जंय्यांई बिस्वास करीं हीं।

याकूब 1:1

म परमेसर अर परबु ईसु मसी को दास याकूब, इजरायल का बारा कूणबा का बिस्वास्यानै नमस्कार मांडूँ हूँ, जखा तीनतेरा होगा।

गलातियो 1:10

के म मिनखाऊँ मंजुरी लेबो चाऊँ? मनै इकी जुर्त कोनी! जिकी मनै जुर्त ह बा परमेसर की मंजुरी ह! म मिनखानै राजी करबो कोनी चाऊँ ज म अंय्यां करबो चाऊँ जणा म मसी को सेवक कोनी।

मत्ती 25:16

अर जिनै पाच थेली मिली ही बो बाऊँ पाच ओर कमाली।

मत्ती 25:20

जणा जिनै पाच थेली मिली ही बो ओर पाच थेल्या क सागै आयो अर खयो, ‘मालिक म थारी पाच थेल्याऊँ ओर पाच थेल्या कमाली।’

मत्ती 25:22

बिकै पाछै दो थेली हाळो आर खयो, ‘मालिक थे मनै दो थेली दिआ हा। जिऊँ म दो ओर कमाली।’

मत्ती 25:24

बिकै पाछै एक थेली हाळो दास आयो अर खयो, ‘मालिक थे बोळा निरदई हो। थे जठै कोनी बोओ बठैऊँ काटो हो, अर जठै कोनी बिखेर्यो बठैऊँ सोरो हो।

लूका 19:12

जणा बो खेबा लाग्यो, “एक आदमी जिकनै अणाप-सणाप धन-दोलत ही बो राज करबा की सीख लेबा ताँई दूर दिसावर चलेगो।

लूका 19:14

पण बिकी नगरी का दुसरा मिनख बिऊँ जळता-बळता हा बे बिकै गेल एक टोळी क हात आ खुवा भेज्यो की, ‘म्हें कोनी चावां क ओ म्हारै प राज करै।’