लूका 18:16 - जीवन को च्यानणो (सेकावाटी नया नियम की पोथ्या)

¹⁶ जणा ईसु टाबरानै आपकै कनै बुलार चेलाऊँ कह्या, “टाबरानै मेरै कनै आबा द्‍यो, आनै आबाऊँ मना नटो, क्युं क परमेसर को राज अंय्यां का मिनखा ताँई ह।

लूका 18:16 Referans Kwoze

1 कुरन्थीयो 14:20

मेरा लाडला बिस्वास्यो, थे थारी समज म टाबर मना बणो। बुराई ताँई टाबर बण्या रेह्ओ पण समज म स्याणा बणज्याओ।

1 कुरन्थीयो 7:14

क्युं क बो बिस्वास कोनी करबाळो मोट्यार आपकी बिस्वासी लूगाई क सागै रेह्बाऊँ परमेसर की नजर्या म भाबाळो होज्यावै ह अर अंय्यांई अबिस्वासी लूगाई आपका बिस्वासी मोट्यार क सागै रेह्बाऊँ परमेसर की नजर्या म भाबाळी होज्यावै ह। अर ज थे अंय्यां कोनी करो जणा थारा बेटा-बेटी बी असुद होसी पण अंय्यां करबाऊँ बे परमेसर की नजर्या म पबितर होसी।

1 पतरस 2:2

जंय्यां माँ को दुद पीता टाबर खरा दुद ताँई रोवीं हीं, बंय्यांई थार म पबितर आत्मिक दुद की भूख होणी चाए जखी परमेसर की बाता ह। जिऊँ थारो छुटकारो पक्को होतो जावै।

भेजेड़ा चेला का काम 2:39

क्युं क ओ करार थारै अर थारा टाबरा अर बा सगळा ताँई ह जखा आंतरै हीं। अर ओ बा सगळा ताँई बी ह जानै परबु आपणो परमेसर आपकै कनै बुलावै ह।”

मत्ती 19:14

पण ईसु ओडायो, “टाबरानै आबा द्‍यो आनै मना मत करो क्युं क ईस्बर नगरी को राज अंय्यां का कोई ह।”

लूका 18:15

एक दिन मिनख आपका नान्यानै ईसु कनै ल्याया। बे चावै हा क ईसु बा टाबरा क सीर प हात म्हेलै। पण आ देखर चेला बानै दकाल दिआ।

लूका 18:17

याद राखज्यो क जखो परमेसर का राजनै टाबरा की जंय्यां कोनी मानसी बो बिमै कोनी बड़सी।”