लूका 16:22 - जीवन को च्यानणो (सेकावाटी नया नियम की पोथ्या)

²² एक दिन बो गरीब लाजर मरगो। अर बिनै लेज्याबा ताँई ईस्बर नगरी दुत आर बिनै सिदा अब्राहम की गोदि म लेग्या। एक दिन बो साऊकार बी मर्यो अर बिनै लोग लेज्यार गाड्याया।

लूका 16:22 Referans Kwoze

1 पतरस 2:24

बो आपणा पापनै खुदकी काया प लेर सुळी प चढगो, जिऊँ आपा पाप करबा बेई मर्या समान होवां अर जखो सई ह बिनै करबा बेई जीवां। थानै निरोगो कर्यो जा सकै, इ ताँई बो आपकी काया प घाव लिआ।

दरसाव 14:13

जणा ईस्बर नगरीऊँ म ओ हेलो सुण्यो, “इनै मांडले: जखा इबऊँ परबु म मरी हीं बे भागहाळा हीं।” पबितर आत्मा खेवै ह, “हाँ क्युं क बे आपका कामाऊँ अराम पासी, अर बाका काम बाकै सागै ह।”

याकूब 1:11

क्युं क सूरज का तावड़ाऊँ घास बळज्यावै अर फूल झड़ज्यावै, जिऊँ बा सोवणी कोनी लागै। अंय्यांई अमीर मिनख बी आपकी भाग-दोड़ म खाली हातई मरज्यावै।

यहून्ना 13:23

बाका चेला मऊँ एक जणो, जखो लाडलो खुवातो हो। बो ईसु क सारै बेठ्यो हो।

मरकुस 8:36

कोई मिनख आपका पिराणा की हानी उठार सगळा जगतनै जीत ले जणा बिनै काँई फाईदो?

इबरानीआ 1:14

इ ताँई सगळा ईस्बर नगरी दुत छुटकारो पाबाळा मिनखा की सेवा करबा ताँई भेजेड़ी आत्मा हीं।

मत्ती 24:31

नरसिंगो फुक्यो जासी अर बो आपका ईस्बर नगरी दुतानै धरती प च्यारूमेर भेजसी। अर बे सगळी धरती पऊँ टाळेड़ा मिनखानै भेळा करसी।

मत्ती 18:10

“सुणो थे मेरो खयो मानबाळानै निचो मना जाणो क्युं क ईस्बर नगरी दुत थारो लेखो-जोखो मेरा परम-पितानै देवै ह।

इबरानीआ 2:14

क्युं क बा ओलाद मास अर लोय की ही इ ताँई ईसु बी मास अर लोय को बण्यो। जिऊँ बो आपकी मोतऊँ सेताननै नास करै, सेतान जिकनै मारबा की सक्‍ति ही

यहून्ना 21:20

पतरस गेलनै बावड़र देख्यो क बो चेलो जखो लाडलो खुवातो हो, बिकै गेल आर्यो ह। ओ बोई हो जखो रोटी जिम्ती टेम बिकै कान क कनैसिक मुंडो कर बाऊँ बुज्यो, “परबु बो कूण ह जखो थानै धोकाऊँ पकड़ासी?”

लूका 12:20

पण परमेसर बिऊँ बोल्यो, ‘अरै बावळा आजई तेरो जीव तेरै मऊँ काड लिओ जाय जणा तेरा इ धन-दोलत को काँई होसी।’

मत्ती 8:11

म थानै बताऊँ हूँ क, बोळा मिनख अगुणी अर पाछुणी दिसाऊँ आसी अर बे ईस्बर नगरी राज म अब्राहम, इसाक अर याकूब क सागै जिमबा बेठसी।

लूका 16:21

अर बिका घावानै गंडक्ड़ा चाटता रेह्ता। अर बो आपको पेट भरबा ताँई बि साऊकार की जूंठ का माखणा ताँई तरसतो हो।

यहून्ना 1:18

परमेसरनै कदैई कोई कोनी देख्यो। पण परमेसर को इकलोतो बेटो जखो परमेसर की छाती तळै ह, अर बो परमेसरई ह। बोई परमेसरनै परगट कर्यो।