लूका 16:16 - जीवन को च्यानणो (सेकावाटी नया नियम की पोथ्या)

¹⁶ “नेम-कायदा अर परमेसर की खेबाळा की मांडेड़ी बाता को हेलो बतिस्मो देबाळा यहून्ना का दिना ताँई पाड़्यो गयो। पण बतिस्मो देबाळा यहून्ना का टेमऊँ परमेसर का चोखा समचार को हेलो पाड़्यो जार्यो ह। अर सगळानै परमेसर का राज म बड़बा ताँई न्होरा खार नूतो दिओ जार्यो ह।

लूका 16:16 Referans Kwoze

मत्ती 21:32

अंय्यां म इ ताँई खेर्यो हूँ क्युं क यहून्ना बतिस्मो देबाळो थानै धारमिक्‍ता को गेलो दिखाबा ताँई आयो पण थे बिको बिस्वास कोनी कर्या। पण चुंगी लेबाळा अर बेस्या बिको बिस्वास कर्या। पण थे बानै देखर बी थारा हियानै कोनी बदल्या अर नइ बिपै बिस्वास कर्या।

यहून्ना 1:45

फलिपूस नतनएलऊँ मिलर बिऊँ बोल्यो, “म्हानै बो मिलगो ह, जिकै बारां म मूसा नेम-कायदा म मांड्यो अर जिकै बारां म परमेसर की खेबाळा बताया हीं। बो युसूफ को बेटो नासरत को रेह्बाळो ईसु ह।”

लूका 16:31

जणा बो बिऊँ बोल्यो, ‘जद बे मूसा अर परमेसर की खेबाळा की पोथ्या की बातानै कोनी मानी जणा बे मर्या पाछै जिबाळा की कंय्यां मानसी?’”

मत्ती 3:2

अर आ खेर परचार कर्यो क, “थे थारा पापऊँ तौबा करो! क्युं क ईस्बर नगरी को राज सांकड़ै ह।”

भेजेड़ा चेला का काम 3:18

पण इ बातनै परमेसर बोळी पेल्याई परमेसर की खेबाळा क मुंडाऊँ खुवा दिओ हो, क मसी पिड़ा भोगसी जणा परमेसर बानै अंय्यांई पूरी कर्यो।

लूका 16:29

अब्राहम बिऊँ बोल्यो, ‘बानै मूसा अर दुसरा परमेसर की खेबाळा की पोथ्या की बातानै सुणबो अर मानबो चाए।’

लूका 10:11

‘थारी नगरी की धूळ जखी म्हारै पगा क लागरी ह, बा म्हें थानै चेताबा ताँई थारै सामैई झाड़ां हां। पण कान खोलर सुणल्यो परमेसर को राज सांकड़ैई आग्यो ह।’

लूका 10:9

अर बि बठै का रोगलानै निरोगो कर बानै बोलो परमेसर को राज सांकड़ोई ह।

मत्ती 4:17

जद ईसु कफरनूम म हा बि टेमई परचार करबो चालू कर्यो, “थे पापऊँ तौबा करो! क्युं क ईस्बर नगरी को राज सांकड़ै ह।”

लूका 9:2

इकै पाछै बो बानै परमेसर का राज को हेलो पाड़बा अर रोगलानै निरोगो करबा को अधिकार देर बारनै भेज्या।

मरकुस 1:14

ईसु क गलिल जाबाऊँ पेली यहून्नानै कोठड़ी क मांयनै बंद कर दिओ गयो हो। ईसु गलिल म जार बठै परमेसर को चोखो समचार लोगानै सुणाबा लाग्यो।

मत्ती 10:7

अर बाकन जाओ अर हेलो पाड़ो क ‘ईस्बर नगरी को राज सांकड़ै आगो ह’

यहून्ना 12:19

फरिसी एक दुसराऊँ बोल्या, “थे देखो, आपा क्युंई कोनी कर सक्या! जगत का मिनख बिकै गेल होर्या हीं।”

यहून्ना 11:48

ज आपा अंय्यांई हात प हात धर्या बेठ्या रेहस्यां, जणा हरेक बिपै बिस्वास करबा लागसी। जणा रोमी सरकार हरकत म आज्यासी, अर आपणा मनदर अर यहूदि मिनखानै तबा कर देसी।”

मरकुस 1:45

पण बो बारनै जार सगळा म आ बात फेला दि जिऊँ ईसु बि नगरी म चोड़ै-धाड़ै कोनी जा सक्यो। पण बो उजाड़ म रिह्यो। अर बठै बी लोग च्यारूमेरूँ बिकन आर्या हा।

मत्ती 4:23

ईसु गलिल नगरी की सगळी झघा म घूमतो होयो अर अरदास करबाळी झघा म परमेसर का राज का चोखा समचार क बारां म बतातो अर लोगा का रोग अर कमजोरीनै दूर करतो रिह्यो।

मत्ती 15:11

मिनख मुंडा म जोक्यु बी खावै ह बो बिनै सूगलो कोनी करै, पण बिका मुंडाऊँ निकळबाळा सबद बिनै सूगलो करै ह।”

यहून्ना 5:4

(बे पाणी का हालबानै उडिकता हा, क्युं क बाको बिस्वास हो क टेम-टेम परमेसर आपका दुतनै पाणी हलाबा ताँई भेजतो हो। अर जद पाणी हालतो जणा जखो बी मिनख पेली बिकै मांयनै उतरतो बो निरोगो होज्यातो हो। चाए बिकै किसोई रोग क्युं नइ हो।)