लूका 15:7 - जीवन को च्यानणो (सेकावाटी नया नियम की पोथ्या)

⁷ “म थानै बोलुँ हूँ अंय्यांई पापऊँ तौबा करबाळा पापी की खुसी ईस्बर नगरी म ओर बी घणी होसी। जत्तो की बा निन्याणमै धरम्या क बदलै कोनी होवै जानै मन फेरबा की जुर्तई कोनी।

लूका 15:7 Referans Kwoze

लूका 5:32

म धरमी मिनखा का मनानै नइ पण पाप्या का मनानै पापऊँ हटार परमेसर म लगाबानै आयो हूँ।”

लूका 15:10

म थारूँ बोलुँ हूँ ठिक अंय्यांई जद कोई पापी पापऊँ तौबा करै ह, जणा परमेसर का ईस्बर नगरी दुता क सामै खुसी मनाई जावै ह।”

लूका 15:32

पण इब आपानै राजी होणो अर खुसी मनाबो चाए। क्युं क ओ तेरो भाईड़ो जखो आपणै कानि को मर्यो समान हो पाछो जीयायो ओ गुमगो हो इब लाध्यायो।’”

मत्ती 18:13

म थारूँ सची खेऊँ हूँ जद बा लल्डी बिनै लाध्यावै जणा बो बा निन्याणमऊँ बेत्ती बि लाधेड़ी लल्डीऊँ राजी होसी।

रोमीयो 7:9

बो एक टेम हो जद म बिना नेम-कायदा क जिंदो हो। पण जद हुकम आया जणा पाप जीगो अर म मरगो।

लूका 16:15

ईसु बाऊँ बोल्यो, “थे तो मिनखा म देख-दिखावा का धरमी हो। पण परमेसर तो थारा हियानै जाणै ह, क्युं क जखी चिज मिनखा की नजर्या म बोळी खास ह बिको परमेसर की नजर्या म काँई मोल?

लूका 15:29

बो आपका बापऊँ बोल्यो, ‘म बरसाऊँ थारी सेवा एक दास की जंय्यां करतो आर्यो हूँ, अर थारो अंय्यां को कोई हुकम कोनी जखो म कोनी मान्यो हो, इकै बावजुद बी थे मनै कदैई एक टाट को बच्योई कोनी दिओ की म बिनै मेरा भाईला क सागै मिलर खाऊँ।

मत्ती 3:8

थारा करमाऊँ ओ बेरो पड़णो चाए क थे थारा हियानै पाप का गेलाऊँ फेर लिआ हो।

लूका 15:6

अर घरा आबा क पाछै थारा आसपड़ोस अर थारा भाईलानै बुलार बाकै सागै लल्डी मिलबा की खुसी मनाओ हो।

लूका 15:8

“नहिस तो अंय्यां सोचो एक लूगाई ह अर बिकन दस चाँदी का सीक्का हीं जिमैऊँ एक गुमज्या, जणा बा जद ताँई बो सीक्को मिल नइ जा घरनै झाड़ती भारती अर दिओ लेर बिनै सूल टोती कोनी रेह्‍वै के?