लूका 15:15 - जीवन को च्यानणो (सेकावाटी नया नियम की पोथ्या)

¹⁵ जणा बो बि देस का एक मिनख क मजुरी करबा गयो। अर बो बिनै आपका खेत म सूल्डा चराबा को काम दिओ।

लूका 15:15 Referans Kwoze

तितूस 3:3

क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

रोमीयो 6:22

पण इब थानै पाप का बंदणाऊँ छुटा लिओ गयो ह, अर थे परमेसर का दास बणगा हो, जणा जखी खेती थे काटर्या हो बा थानै पबितरता म लेज्यावै ह जिको आखरी फळ अजर-अमर जीवन ह।

लूका 15:13

“थोड़ाई दिन बित्या जणा बो छोटक्यो छोरो आपकी पाँती को सगळो धन भेळो कर दूर दिसावर चलेगो। अर बठै बि धननै उदफेली म उडा दिओ।

मत्ती 7:6

“पबितर चिजा गंडक्ड़ा क आगै मना गेरो। अर नइ सूल्डा क आगै मोती बखेरो। क्युं क ज थे अंय्यां करस्यो जणा बे सूल्डा आ मोत्यानै आपका पगा तळै रूंदसी, अर गंडक्ड़ा बी पाछै मुड़र थानै पाड़ गेरसी।”

लूका 15:14

अर जद बो सगळो धन बिलै लगा दिओ, जणा बा दिना म बि देस म घणो जोरको काळ पड़्यो। अर बिकै तो खाबा का लाला पड़गा।

लूका 15:16

बो आ सोचर की कमऊँ कम बठै पेट भरबा ताँई मटर का छिलकाई मिलज्यासी। जिनै सूल्डा खाया करीं हीं, पण कोई बिनै एक छिलकोई कोनी दिओ।