लूका 13:34 - जीवन को च्यानणो (सेकावाटी नया नियम की पोथ्या)

³⁴ “ओ यरूसलेम! ओ यरूसलेम! तू परमेसर की खेबाळानै मारै ह अर जानै परमेसर तेरै कनै भेजै, बापै भाठा बगावै ह। जंय्यां मुरगी आपका चुजानै पांखड़ा क तळै लुखार राखै ह बंय्यांई म कत्ती बार तेरा मिनखानै मेरी छाया म भेळो करबो चायो पण तू आ कोनी होबा दि।

लूका 13:34 Referans Kwoze

भेजेड़ा चेला का काम 7:52

अंय्यां को कोई परमेसर की खेबाळो होयो हो के जिनै थारा बाप-दादा कोनी सताया हो? बे बा परमेसर की खेबाळानै मार गेर्या जखा बि परमेसर का धरमी दास क आबा को समचार पेल्याई दिआ करता हा। अर ठिक बंय्यांई थे बी बिनै धोकाऊँ पकड़ाबाळा अर मारबाळा होया।

लूका 23:28

इपै ईसु पाछै मुड़र बाऊँ बोल्यो, “यरूसलेम म रेह्बाळी लूगायो थे मेरै ताँई मना रोओ पण थे खुद ताँई अर थारा टाबरा ताँई रोओ।

लूका 19:44

बे तनै अर तेरा टाबरानै धूळ म मिला देसी। अर तेरै मांयनै भाठा प भाठोई कोनी छोडसी। क्युं क तू बि टेमनै कोनी जाण्यो जद परमेसर तनै बचाबा आयो।”

मत्ती 22:6

अर कई मिनख तो बा दासा क सागै मारा पिटी कर बाकी जान लेली।

मत्ती 22:3

अर बो आपका दासानै भेज्यो क बे बा मिनखानै जानै नूतो दिओ गयो हो बानै जिमबा ताँई बुलार ल्यावीं। पण बे कोनी आया।

दरसाव 11:8

बाकी लास बी बडी नगरी का चोराया प म्हेलदि ज्यासी। इ नगरीनै बिकी बुराई क चलतै सदोम अर मिसर का नामऊँबी बुलायो जावै ह। आ बाई नगरी ह जठै बाका परबुनै सुळी प चढायो गयो हो।

भेजेड़ा चेला का काम 8:1

सतफनुस की मोतनै साऊल सई बतायो। बि दिनऊँई बिस्वासी मंडळ्या प तुमत आ पड़ी जिऊँ ईसु का भेजेड़ा चेलानै छोडर बाकी सगळा बिस्वासी यहूदिआ अर सामरीया म बिखरगा।

भेजेड़ा चेला का काम 7:59

अर बे बिपै भाठा बगाबा लागर्या हा बि टेमई बो परमेसरऊँ आ खेतो अरदास करबा लाग्यो, “ओ परबु ईसु मेरा पिराणानै थारै कनै बुलाल्यो।”

लूका 15:28

अत्ती सुणताई बो लाल-तातो होगो अर मरोड़ कर मांयनैई कोनी गयो, जणा बिको बाप हो जखो बारनै आर बिनै मनाबा लाग्यो।