लूका 13:3 - जीवन को च्यानणो (सेकावाटी नया नियम की पोथ्या)

³ नइ, पण म था सगळाऊँ खेऊँ हूँ, ज थे बी थारा पापऊँ तौबा कोनी करस्यो। जणा थारै म बी आई होसी जंय्यां बे मर्या हा बंय्यांई थे बी मरस्यो।

लूका 13:3 Referans Kwoze

भेजेड़ा चेला का काम 3:19

इ ताँई थे थारा पापऊँ तौबा करो अर हियानै ईस्बर कानि लगाओ जिऊँ परमेसर थारा पाप धो देसी।

मत्ती 3:2

अर आ खेर परचार कर्यो क, “थे थारा पापऊँ तौबा करो! क्युं क ईस्बर नगरी को राज सांकड़ै ह।”

लूका 13:5

नइ, पण म थारूँ खेऊँ हूँ ज थे बी पापऊँ तौबा कोनी करस्यो। जणा थारै सागै बी अंय्यांई होसी जंय्यां बे मर्या बंय्यांई थे बी मरस्यो।”

मत्ती 12:45

जणा बा जार खुदऊँ बी सात बुरी ओपरी बलायानै आपकै सागै कर बिकै मांयनै बड़ जावै। अर बि आदमी की दसा पेलड़ीऊँ घणी बुरी होज्यावै। इ जुग का मिनखा की दसा बी अंय्यांई होसी।”

लूका 24:47

अर बिका नामऊँ पाप की माफी ताँई मन फेरबा का चोखा समचार को यरूसलेमऊँ लेर धरती का सगळा कूणबा म परचार कर्यो जासी।

मत्ती 22:7

अर जद राजानै इ बात को बेरो चाल्यो जणा बो झाळ्या म भरगो अर आपका सिपाईड़ानै भेजर बा कुटिचर मिनखानै मरवा दिओ अर बाकी नगरी म आग लगवा दिनी।

लूका 13:2

आ सुण ईसु बानै जुबाब दिओ, “थे काँई सोचो हो बे अ सगळी बाता भूगत्या, जणा काँई बे दुसरा गलिली मिनखाऊँ घणा पापी हा?

लूका 13:4

अर थे काँई समजो हो, की जद सिलोह को गुम्मट गिरै हो, बि टेम का बिकै निचै दबर मरबाळा अठारा जणा दुसरा यरूसलेम म रेह्बाळा जिंदा मिनखाऊँ घणा पापी हा के?