लूका 13:11 - जीवन को च्यानणो (सेकावाटी नया नियम की पोथ्या)

¹¹ बठै एक लूगाई ही जिमै अठारा बरसाऊँ ओपरी बलाय रळरी ही। अर बा बलाय बिनै अपाईज कर राखी ही। अर बा आपकी बिमारी की बजेऊँ लुळेड़ी रेह्ती।

लूका 13:11 Referans Kwoze

लूका 8:2

अर बिनै मानबाळी क्युंक लूगाया बी बिकै सागै ही, जानै बो ओपरी बलाय अर बिमारीऊँ छुटायो हो, बामैऊँ एक लूगाई ही जिको नाम मरीयम मगदलिनी हो जिमैऊँ बो सात ओपरी बलाय काडी।

लूका 13:16

थे जद अरामहाळा दिन अंय्यां का काम करो। जणा फेर बा लूगाई जखी अब्राहम की छोरी ह, जिनै सेतान अठारा बरसाऊँ बांद राखी ही बिनै सेतानऊँ अरामहाळा दिन कोनी छुटाबो चाए के?”

लूका 8:27

जंय्यांई बो किनारा प उतर्यो, बानै बि नगरी को एक आदमी मिल्यो जिमै ओपरी बलाया ही जि बजेऊँ कई दिनाऊँ नइ तो बो गाबा पेर्या अर नइ घरा रिह्यो बो तो मूसाणा क मांयनै रेह्तो।

भेजेड़ा चेला का काम 4:22

अर जि मिनख प ओ निरोगो होबा को चमत्कार होयो हो बो चाळिस क पार हो।

लूका 8:43

अर बठैई एक लूगाई बी ही जिकी बारा बरसाऊँ न्याह्णी थमरी कोनी ही अर जोक्यु बी बिकन हो बिनै बा बेदानै बोया बेठी ही अर बिनै कोईबी निरोगो कोनी कर सक्यो।

मरकुस 9:21

ईसु बि छोरा का बापऊँ बुज्यो, “इकी आ दसा कदऊँ ह?” बो बोल्यो, “टाबरपुणाऊँई इकी दसा अंय्यां की ह।

भेजेड़ा चेला का काम 3:2

अर बठै क्युंक मिनख एक जलम का लंगड़ा मिनखनै रोजकी ल्यार मनदर क बारना म बिठा देता। अर बि बारनानै बठै का मिनख “सोवणो बारनो” खेता हा जठै बो मनदर म जाबाळाऊँ भीक माँगतो हो।

मत्ती 4:23

ईसु गलिल नगरी की सगळी झघा म घूमतो होयो अर अरदास करबाळी झघा म परमेसर का राज का चोखा समचार क बारां म बतातो अर लोगा का रोग अर कमजोरीनै दूर करतो रिह्यो।

लूका 13:12

ईसु बिनै देखर आपकै कनै बुलार बोल्यो, “माई जा तू तेरी बिमारीऊँ निरोगी होगी।”

लूका 21:28

थे जद अ सगळी बाता होबा लागै जणा बि टेम थे थारा सीरनै उपर उठाज्यो, क्युं क थारो छुटकारो सांकड़ैई होसी।”