लूका 12:42 - जीवन को च्यानणो (सेकावाटी नया नियम की पोथ्या)

⁴² आ बात सुणर ईसु बोल्यो, “समजदार अर बिस्वास जोगो दास कूण ह? जिनै बिको मालिक घर चलाबा अर दुसरा दासानै टेमुटेम रोटी-टुक देबा ताँई भंडारी बणावै ह।”

लूका 12:42 Referans Kwoze

इबरानीआ 13:17

थे थारा आत्मिक मुखिया प भरोसो करो अर बाकै बस म रेह्‍वो, क्युं क बे बाकी जंय्यां जानै लेखो देणो पड़ै ह थारा पिराणा ताँई जागता रेह्‍वै ह। अंय्यांई कर्या करो जिऊँ बाका काम थारै ताँई बोज नइ पण राजी होबा की बजे बणै। क्युं क बोज समज्या तो थारो क्युंई फाईदो कोनी होवै।

इबरानीआ 13:7

थे बा मुखियानै याद राखो जखा थानै परमेसर को बचन सुण्या हीं। अर ध्यानऊँ बाका चाल-चलन का फळनै देखर बाकी जंय्यांई बिस्वास करो।

2 तिमूतियूस 4:2

परमेसर का बचना को परचार कर। टेम बेटेम मिनखानै सुदारबा ताँई त्यार रेह। तू मिनखानै सई कर अर बाका पाप प बाकै दकाल लगा। सागैई बानै उदास बी मना होबा दे, बानै हिदायत देती टेम सदाई थ्यावस राखजे।

1 तिमूतियूस 5:17

एक मुखिया क रूप म, जखाबी बिस्वासी मंडळी का मुखिया, चोखो काम करीं बे दुणा मान क जोगा समज्या जावै, खासकर बे जखा परचार अर सीखाबा म घणी मेनत करीं हीं।

1 पतरस 4:10

अर जिनै बी परमेसर कानिऊँ आत्मिक बरदान मिलेड़ो ह। बिनै चाए क बो परमेसर का चोखा भंडारी की जंय्यां बि आत्मिक बरदाननै एक दुसरा की सेवा करबा ताँई सूल काम म लेवै।

तितूस 1:7

परमेसर का कामनै आपका हाता म लेबाळा भंडारी ताँई ओ जरूरी ह क बिमै कोई एब नइ हो। बो घमंड करबाळो नइ होवै, नइ तावळोई ताव खाबाळो होवै, नइ दारूड़ो, नइ मारपीट करबाळो अर नइ पिसा को लालची।

भेजेड़ा चेला का काम 20:28

जणा इब थे बिस्वासी मंडळी का रूखाळा हो आ जिमेदारी थानै पबितर आत्मा सूपी ह। बा लल्ड्या का रेवड़ा का गुवाळ्या बणो, जिनै परमेसर आपका बेटा का लोयऊँ मोल लिओ ह।

मत्ती 20:8

अर संज्या क अँगूरा का बाग को मालिक आर मुनिमनै बोल्यो, ‘मजुरियानै बुलार बाको हिसाब कर दे, सुण जखा सऊँ आखरी म आया हा बानै सऊँ पेली दिजे अर जखा पेली आया बानै सऊँ आखरी म दिजे।’

इबरानीआ 3:5

मूसा तो परमेसर क घर म बिस्वास जोगो दास बणर रिह्यो, जिऊँ बो बा बाता क बारां म गुवाई देवै जखी आबाळा टेम म बोली जाबाळी ही।

1 तिमूतियूस 3:15

पण ज मेरै आबा म मोड़ो होवै जणा इ चिठीऊँ जाण ज्याए क, आपणा परमेसर को कूणबो जखो जीवता परमेसर की बिस्वासी मंडळी आ सचाई की निम अर खम्बो ह, बिकै सागै आपानै कंय्यां को बरताव करबो चाए।

लूका 7:13

जणा बि खाली होईड़ीनै देखर ईसुनै बिपै तरस आयो अर बे बिऊँ बोल्या, “रोवै मना।”

मत्ती 13:52

जणा ईसु बाऊँ खयो, “जत्ता बी सास्तरानै सीखाबाळा ज्ञानी परमेसर का राज का चेला बण्या हीं बे बि घर का मालिक की जंय्यां ह, जखो बक्साऊँ नई अर पुराणी चिजा निकाळै ह।”

लूका 7:19

जणा यहून्ना आपका दो चेलानै बुलार बानै ईसु कनै ओ बेरो पाड़बानै भेज्यो क, “थे कूण हो? कदै थे आबाळा बेई तो मसी कोनी हो नहिस फेर म्हें कोई ओरनै उडिकां?”

लूका 12:43

अर बो दास भागहाळो ह। जखो आपका मालिक क पाछो आबा प बिनै बिका कह्या गेल करतो लाधै।